Óńirlerge 574 sharshy metr sportzal alańy kerek –Dáýren Abaev
«Sporttyq ınfraqurylymynyń qajettiligine taldaý júrgizdik. Jalpy aımaqtyq standarttar júıesi boıynsha, 1000 adamǵa arnalǵan sport zaldardyń aýmaǵy 80 sharshy metr bolýy kerek. Alaıda óńirlerdegi naqty jaǵdaı bul standartqa saı kelmeıdi. Eldi mekenderde sport zalǵa degen qajettilik 1 mln sharshy metrden joǵary. Al qoldanysta 935 myń sharshy metr bar. Demek, sport alańdarynyń tapshylyǵy – 37 paıyz nemese 574 sharshy metrdi quraıdy», - degen mınıstr sport zal tapshy óńirlerge toqtaldy.
«Sportzal jetispeıtin aımaqtardyń qatarynda Túrkistan, Almaty oblystaryn, sondaı-aq Nur-Sultan men Shymkent qalalaryn aıtýǵa bolady. Ol, ózderińiz kórip otyrǵandaı, demografııalyq sebepterge baılanysty. Pavlodar, Qaraǵandy, Batys Qazaqstan oblystaryndaǵy jaǵdaı jaqsy. Biraq bul aımaqtarda da ınfraqurylym jaǵynan kemshilik joq emes», - dedi Dáýren Abaev.