Óńirlerdegi qoljetimdi baspana qurylystary josparǵa saı salynyp, ýaqytyly tapsyrylady
Kezdesý barysynda Qaraǵandy qalasynda «Januıa» turǵyn úı keshenin salyp jatqan «KKK-Injınırıng» JShS dırektory Aleksandr Kıký ınjenerlik jelilerdi tartý barysyndaǵy problemalardy tilge tıek etti. Biraq týyndaǵan qıyndyqtarǵa qaramastan, kompanııa turǵyn úı kesheniniń birinshi kezegin belgilengen merzimde (2015 jylǵy jeltoqsan) paıdalanýǵa bergen. Turǵyn úı keshenin salý kezinde Qazaqstannyń údemeli ındýstrııalyq-ınnovatsııalyq damý jáne monoqalalardy damytý baǵdarlamasy aıasynda qurylǵan «KKK Beton» JShS temirbeton ónimderin shyǵaratyn zaýyttyń ónimderi paıdalanylǵan.
Shyǵys Qazaqstan oblysynda da turǵyn úıler salynyp, paıdalanýǵa berilýde. Jyljymaıtyn múlik qory bas merdiger «VK Tehnogrýpp» JShS-men birlesip, Óskemen qalasynda Іlııas Esenberlın dańǵylynda kóp páterli turǵyn úıler turǵyzýda. Búgingi tańda toǵyz úıdiń jeteýi paıdalanýǵa berilip úlgerdi. Páterlerdiń jalpy aýdany 25 000 sharshy metrden astam, páterler sany 431. Qalǵan úılerdi paıdalanýǵa berý 2016 jyldyń aıaǵyna kózdelgen.Kezdesýde Atyraý, Qyzylorda, Shymkent jáne Astana qalalarynda qoljetimdi baspana salý máseleleri qaraldy.
«Jyljymaıtyn múlik qory qarjylandyratyn baǵdarlamalar qoljetimdi baspana salýǵa múmkindik berip, jańa jumys oryndaryn ashýǵa septigin tıgizip, qurylys materıaldaryn shyǵaratyn kásiporyndarǵa tapsyrysty qamtamasyz etedi. Memlekettik-jekeshelik áriptestik qaǵıdatymen birlesken jobalardy iske asyra otyryp, Jyljymaıtyn múlik qory turǵyn úı qurylysy salasyna shamamen 18 mlrd. teńge jeke ınvestıtsııa tartty. Osynyń arqasynda 4 000-nan astam jańa jumys oryndaryy ashyldy», - delingen baspasóz baıanynda.
Kezdesý barysynda qurylys salýshy kompanııalardyń basshylary óz mindettemelerin merziminde oryndaýǵa daıyn ekendikterin jetkizdi.