Óńirlerdegi 8 teatrǵa kúrdeli jóndeý júrgizý qajet

ASTANA. QazAqparat - Qazirgi ýaqytta elimiz aımaqtarynda 8 teatrǵa kúrdeli jóndeý júrgizý kúntártibinde tur. Bul týraly búgin Ortalyq kommýnıkatsııalar qyzmetinde teatrlar jáne murajaılar máselesine arnalǵan brıfıngte málim boldy.

Taratylǵan málimetterge qaraǵanda, 2014 jylǵy 1 qyrkúıektegi aqparat boıynsha Qazaqstanda 52 memlekettik teatr bar. Onyń ishinde 9-y respýblıkalyq jáne 43-i óńirlik bolyp tabylady. Bulardyń úsheýi opera jáne balet, 24-i dramalyq, 8-i mýzykalyq, úsheýi mýzykalyq komedııa, bireýi jastar, ekeýi ázil-syqaq, 7-si qýyrshaq jáne 4-i balalar men jasóspirimder teatrlary bolyp bólinedi.

«Táýelsizdik alǵaly beri 19 jańa teatr ashylyp, Astana, Oral, Qaraǵandy jáne Qostanaıdaǵy tórteýine jańa ǵımarat salyndy. 2013 jyly elimizdiń 54 teatrymen qoıylǵan 1 368 qoıylymnyń 831-i eresekterge arnalsa, 537-si - balalarǵa arnalǵan qoıylymdar. Sońǵy tórt jylda teatrlarda kórsetilgen 48 myńnan astam qoıylymnyń 1 225-i - jańa qoılymdar», - delingen mınıstrlik derekterinde.

Sońǵy úsh jylda 170-ten astam qazaqstandyq óner qaıratkerleri álemniń úzdik zaldarynda sheteldik taǵylymdamadan ótti.