Óńirlerde jastar IT-kásipkerlikte suranysqa ıe sala boıynsha oqytylady
Qazirgi ýaqytta QR Tsıfrlyq damý, ınnovatsııalar jáne aeroǵarysh ónerkásibi mınıstrligi QR Prezıdenti Q.Toqaevtyń elimizde 100 myń IT-maman daıarlaý jónindegi tapsyrmasy aıasynda belsendi jumys atqarýda. Bul rette búgingi vedomstvoaralyq keńeste IT-mamandardy daıarlaý úshin arnaıy mektepterge granttar bólý máselesi jiti qaraldy.
«Búgingi tańda «Astana Hub halyqaralyq IT-startaptar tehnoparki» korporatıvtik qory bazasynda IT-mektepterge vaýcherler (granttar) bólý tetigi ázirlendi. 2021 jyly Astana Hub óz qarajaty esebinen 13 IT-baǵdarlamalaý mektebiniń 100 stýdentin qarjylandyrdy. Baǵdarlamany keńeıtý aıasynda 2022 jyly 3000 grant bólý josparlanǵan» , - dedi Baǵdat Mýsın.
Vedomstvo basshysynyń aıtýynsha, IT-kadrlardy oqytý 20 myńnan astam jańa jumys oryndaryn qurýǵa jáne aqparattyq kommýnıkatsııalyq tehnologııalar qyzmetteriniń eksportyn 2025 jylǵa qaraı 500 mln AQSh dollaryna deıin ulǵaıtýǵa septigin tıgizedi.
Alaıda bul úshin IT-mamandardyń bilim sapasyn arttyrý qajet. Búginde respýblıka boıynsha 77 joǵary oqý orny IT-mamandardy daıyndaýda. Jyl saıyn 10 000-nan astam IT-maman naryqqa shyǵarylady, bul rette kadrlar zamanaýı talaptarǵa sáıkes kele bermeıdi.
Taraptar qujattardy elektrondy qabyldaýǵa baılanysty aqparattyq júıelerdiń daıyndyǵyn talqylady.
2022 jyly 160 myń túlek kolledjderde jáne 140 myń túlek joǵary oqý oryndarynda bilim alady degen boljam bar.
«Qujattardy qabyldaý jáne bilim berý granttaryn bólý kezeńinde elektrondy júıelerdiń úzdiksiz jumysyn qamtamasyz etý kerek. Biz negizgi problemalardy anyqtadyq. Barlyq tsıfrlyq sheshimdi tekserip, retke keltirý mańyzdy. Bul shekti baldardy esepke alý, ótinishterdi qabyldaý protsesi jáne bir talapkerdiń ótinishti qaıtalap jiberýin boldyrmaý jáne basqa da máseleler. Barlyq túlekke barynsha qolaıly jaǵdaı jasaý úshin birlesip jumys isteýimiz kerek. Bul ár adam turǵylyqty jerine qaramastan elektrondy qyzmetterdi kedergisiz paıdalaný múmkindigine ıe bolý úshin mańyzdy», - dedi Ashat Aımaǵambetov.
Mınıstr Baǵdat Mýsın «Atameken» UKP bazasynda IT-fakýltetterdiń reıtıngin engizýdi usyndy. QR TsDIAÓM aqparattyq-kommýnıkatsııalyq tehnologııalar salasyndaǵy sarapshylarmen birge reıtıng tujyrymdamasynyń jobasyn daıyndaǵan.
Tsıfrlandyrý bilim berý salasyna belsendi túrde engizilýde. Osylaısha mınıstrlik «vırtýaldy muǵalim» zamanaýı IT-platformalaryn engizý boıynsha jumys júrgizýde, atalǵan júıege búgingi kúni Qazaqstan boıynsha 150-den astam jalpy bilim beretin mektep qosylǵan. Degenmen ınformatıka muǵalimderiniń biliktiliginiń qatysty problemalar kezdesedi, osyǵan baılanysty biliktilikti arttyrýǵa baǵyttalǵan baǵdarlamany nemese kýrstardy ázirleý boıynsha usynys aıtyldy.
Sondaı-aq mınıstrler qazaqstandyq joǵary oqý oryndarynyń janynan tehnoparkter qurý máselesin talqylady. Máselen, 1 maýsymda Memleket Basshysy Úkimet pen tıisti mınıstrlikterge ǵylymı zerthanalar men tájirıbelik-synaq ınfraqurylymyn damytýǵa maqsatty granttar bóle otyryp, JOO janyndaǵy ǵylymı-tehnologııalyq parkterdi qoldaý baǵdarlamasyn iske qosýdy tapsyrǵan bolatyn.
Tsıfrlyq damý mınıstrligi 2022 jyly óńirlik IT-tehnoparkterge qoldaý kórsetý jónindegi baǵdarlamany iske qosýdy josparlap otyr, ol óńirlerde jastardy «No Code School», «Startup School» jáne t.b. sııaqty Astana Hub baǵdarlamalary, jergilikti taqyryptyq is-sharalardy ótkizý, ádisnamalyq qoldaý, sondaı-aq «Techpreneurs», «preScalerator», «Scalerator», ınkýbatsııalyq jáne akseleratsııalyq baǵdarlamalary arqyly IT-kásipkerlikte ózekti jáne suranysqa ıe quzyretterge oqytýdy qamtıtyn bolady.
Jıyn sońynda taraptar kóterilgen ózekti máselelerge qoldaý kórsetýge jáne yntymaqtastyqty odan ári damytýǵa kelisti.