Óńirlerde vaktsınanyń qandaı túrleri qaldy

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova óńirlerde qansha vaktsına qalǵanyn aıtyp berdi, dep habarlaıdy QazAqparat.

«Qazirgi ýaqytta «Spýtnık V» vaktsınasy boıynsha 700 myń birinshi komponent dozasy qaldy. «Hayat-Vax» - 5,5 myń dozasy tek Mańǵystaý oblysynda ǵana bar. «QazVac» – 2900 dozasy Jambyl, Mańǵystaý, Atyraý oblystarynda qaldy. Biraq 99 myń doza «QazVac» vaktsınasy búkil el boıynsha tasymaldanyp jatyr, 31 shildege deıin barlyq óńirlerde «QazVac» ekpesiniń qosymsha kólemi qoljetimdi bolady. «CoronaVac» vaktsınasynyń 17 myń dozasy bar, negizgi sany – 8 myńǵa jýyǵy Mańǵystaý oblysynda, Qaraǵandyda, Atyraýda jáne Túrkistanda qalǵan», - dedi spıker Ortalyq kommýnıkatsııalar qyzmetinde ótken brıfıngte.

Aıta keteıik, Qazaqstanda 6 420 adam vaktsına saldyrsa da aýyryp qalǵan.

Onyń ishinde «Spýtnık» alǵan 5 511 adam, «Hayat Vax» - 665, «QazVac» - 113 jáne «CoronaVac» saldyrǵan 124 adam bar. Jalpy ekpe saldyrǵan 5,2 mıllıon adamnyń 0,1% aýrý juqtyrǵan.

Sonymen birge, Jambyl oblysynda QazVac óndiretin zaýyt jumysyn bastady.