Óńirlerde otbasyn qoldaý klýbtary jandanyp keledi
Olar ár óńirde otbasyn qoldaý ortalyqtaryn qurý boıynsha «Nur Otan» partııasynyń saılaýaldy baǵdarlamasyn oryndaý sheńberinde ashyldy.
Sonymen qatar, Memleket basshysy Qazaqstan halqyna Joldaýynda áıelderdiń qoǵamdaǵy ekonomıkalyq jáne saıası ustanymdaryn barynsha qoldaýdy qamtamasyz etýdi tapsyrǵan bolatyn.
Asqar Ýmarov «Shans» áleýmettik-psıhologııalyq qoldaý ortalyǵyn aralaý barysynda osy ortalyqta ońaltýdan ótip jatqan jasóspirimdermen áńgimelesti jáne jastardy qoldaý boıynsha memleket qabyldap jatqan sharalar týraly aıtyp berdi.
«Zamandas» otbasylyq-aýla klýbyna barǵan kezde 2021 jyldyń basynan bastap klýbtyń negizinde qıyn ómirlik jaǵdaıǵa tap bolǵan balalary bar otbasylardy qoldaý boıynsha biryńǵaı bilim berý jáne konsýltatsııalyq keńistikti qalyptastyrý maqsatynda qurylǵan otbasyn súıemeldeıtin respýblıkalyq ortalyq jumys isteıtindigi atap ótildi.
Aǵymdaǵy jyly otbasyn qoldaý ortalyqtarynyń 300 qyzmetkeriniń qatysýymen 10-nan astam taqyryptyq trenıngter ótkizildi.
Qıyn ómirlik jaǵdaıǵa tap bolǵan 500-den astam áıel kelesi baǵyttar boıynsha jańa mamandyqtarǵa oqytyldy: tigin sheberligi, klınıng, SMM, aspazdyq, sulýlyq salasyndaǵy mamandyqtar. 700-ge jýyq adam «bir tereze» qaǵıdaty boıynsha túrli máseleler boıynsha aqparattyq-konsýltatsııalyq qoldaý aldy.
Aıta keteıik, joba QR Aqparat jáne qoǵamdyq damý mınıstrliginiń qoldaýymen «Zamandas 21» QQ-men júzege asyrylýda.