Óńirler volonterlik qyzmetti qarjylandyrýdy 4 ese qysqartyp otyr

NUR-SULTAN. QazAqparat – Óńirler volonterlik qyzmetti qarjylandyrýdy 4 ese qysqartyp otyr. Bul týraly Úkimet otyrysynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Memleket basshysynyń bastamasy boıynsha qolǵa alynǵan «Igi ister» marafony aıasynda jyl basynan beri 700-den astam is-shara júzege asyrylyp, 160 myńnan astam muqtaj azamatqa qoldaý kórsetildi. Marafonǵa elimizdegi tanymal 100-den astam iri uıym qosyldy»,- dedi mınıstr.

Onyń atap ótýinshe, volonterlik qyzmetti damytýda eń aldymen memlekettik organdardyń turaqty qoldaýy asa qajet.

«Alaıda, ókinishke qaraı bıyl óńirlerde qarjylandyrý byltyrǵy jylmen salystyrǵanda 4 ese tómendegeni baıqalady. Byltyr bul maqsatqa 338,6 mln teńge bólinse, bıyl tek qana 89 mln teńge qarastyrylǵan», - dedi Aıda Balaeva.