Óńirler bólingen bıýdjettiń 520 mlrd teńgesin ıgermegen - Úkimet otyrysy

ASTANA. QazAqparat – Jergilikti bıýdjettiń shyǵystaryna qarastyrylǵan 8,1 trln teńgeniń 520 mlrd teńgesi atqarylmaǵan. QR Premer-Mınıstriniń orynbasary – Qarjy mınıstri Erulan Jamaýbaev Úkimet otyrysynda osyndaı málimet aıtty, dep habarlaıdy QazAqparat tilshisi.

«Jergilikti bıýdjetterdiń shyǵysy 8,1 trln teńgeni qurady. Atqarylmaǵany – 520 mlrd teńge. Aǵymdaǵy jyly óńirlerge 3,3 trln teńge somasynda nysanaly transfertter kózdelgen. Olarǵa 1 qarashaǵa 2,6 trln teńge bólindi. Onyń 94,1% ıgerildi.

Atqarylmaǵany – 150 mlrd teńge, onyń ishinde 16 mlrd teńge – únemdeý, 134 mlrd teńge - ıgerilmegen.

Eń kóp ıgerilmeý kelesi óńirlerde: Astana qalasy, Mańǵystaý, Batys Qazaqstan jáne Aqtóbe oblystarynda qalyptasty», - dedi mınıstr.

Igerilmeýdiń negizgi sebepteri: jobalaý-smetalyq qujattamany túzetý, oryndalǵan jumystar aktilerin ýaqtyly usynbaý, konkýrstyq rásimderdi uzaq ótkizý, qazynashylyq organdaryna tóleýge beriletin shotty kesh usyný.

«Sońǵy ýaqytta memlekettik mekemelerdiń bıýdjetti atqarý boıynsha qarjylyq qujattardy aıdyń sońǵy jumys kúninde usynýy baıqalady.

Tehnıkalyq sebepterge baılanysty olardy aýmaqtyq qazynashylyq organdary ýaqtyly óńdep úlgermeý táýekeli joǵary.

Sondyqtan ortalyq jáne jergilikti memlekettik organdar qarjy qujattaryn aýmaqtyq qazynashylyq organdaryna birkelki usyný boıynsha jumys júrgizýi jáne tólemderdi aıdyń sońǵy kúnine qaldyrmaýy qajet», - dedi Erulan Jamaýbaev.

Foto: t.me/Kzgovernment