Óńirler arasyndaǵy áýe baılanysynyń nasharlyǵy týrızmge keri áser etedi - mınıstrlik

ASTANA. QazAqparat – El ishindegi áýe baılanysy nashar. Tıisinshe, bul týrızimdi damytýǵa kedergi keltiredi. «Ashyq» NQA portalynda jarııalanǵan Týrıstik salany damytýdyń 2023-2029 jyldarǵa arnalǵan tujyrymdamasynda osylaı jazylǵan, dep habarlaıdy QazAqparat tilshisi.

«COVID-19 pandemııasyna deıin Qazaqstannyń barlyq óńirinen Astana jáne Almaty sııaqty iri qalalarǵa ushý geografııasy jolǵa qoıyldy. Degenmen Qazaqstannyń qalǵan óńirleri arasynda baılanys nashar, bul jalpy ishki týrızmdi damytýǵa kedergi keltiredi. Mysaly, Batys Qazaqstannan kelgen týrısterge qysqa ýaqyt ishinde Shyǵys Qazaqstanǵa, al Soltústikten Ońtústik Qazaqstanǵa áýe kóligimen barý óte qıyn. COVID-19 pandemııasyna deıin eldegi áýejaılardyń júktemesi shamamen 20% qurady», - delingen tujyrymdamada.

Sonymen qosa, qujatta ushaq bıleti qunynyń qymbat ekendigi aıtylǵan. Onyń sheshimi retinde avmıakompanııalar men týrıstrik operatorlarǵa qoldaý sharalaryn kúsheıtý usynylady. Mádenıet mınıstrliginiń dereginshe, bul baǵyttaǵy jumystar 2029 jylǵa deıin kezeń-kezeńimen iske asady.

«Qazaqstan Respýblıkasy avıakompanııalarynyń bıletterine baǵalar túpki tutynýshylar úshin de joǵary bolyp otyr. Suranys pen paıdalanýshy týraly derekterge súıene otyryp, baǵa belgileýdiń naryqtyq tetikteri negizinde qalyptastyrylady. ıAǵnı, dınamıkalyq baǵa belgileý paıdalanylady. Bul rette baǵalar suranysqa, avıabıletti satyp alýdyń aldyn ala júrgizilýine, reısti oryndaý aptasynyń kúnine, reıstiń ushý ýaqytyna jáne taǵy da basqa baılanysty ustalýy, kóterilýi jáne tómendeýi múmkin.Týrıstik destınatsııalardyń temirjoldyq quramdas bóligi de jiti nazar aýdarýdy talap etedi», - dep máseleler kórsetilgen qujatta.

Tujyrymdama 3 naýryzǵa deıin kópshilik talqylaýda bolady.