Óńirdiń 30 etnomádenı birlestikteri Qaraǵandy oblysy ákiminiń granttaryna ıe boldy
Kezdesýde dostyq pen kelisimdi nyǵaıtý máseleleri talqylandy. Óńir basshysy 30 etomádenı birlestikterge 700 myń teńgeden grant berdi.
«Bul granttar memlekettik jáne ana tilderin oqyp-úırenýge, ulttyq kıimder tikkizýge, ulttyq mýzykalyq aspaptaryn alýǵa, qazaqstandyq patrıotızmge, tózimdilikke, etnosaralyq jáne konfessııaaralyq kelisimdi nyǵaıtýǵa arnalǵan», - dep qadap aıtty oblys ákimi.
Sonymen qatar oblystyq Assambleıanyń músheleri, etnomádenı birlestik basshylary oblys ákiminiń Qurmet gramotasymen jáne alǵys hattarymen, sondaı-aq Qazaqstan halqy Assambleıasynyń «Birlik» altyn medaldarymen marapattaldy.
«Qazaqstan halqynyń birligi táýelsizdik alǵannan bergi bizdiń qol jetkizgen eń basty baılyǵymyz bolyp tabylady. Memleketimizdiń qalyptasý kezeńiniń bastapqy jyldarynda-aq el Prezıdenti Nursultan Ábishuly Nazarbaev: «Túrli ult ókilderiniń arasyndaǵy ózara senimi, barlyǵynyń zań aldyndaǵy teńdigi bolmaıynsha, memleketimiz de ósip-órkendemeıdi, demek qarapaıym adamdardyń baqytty ómiri de bolmaıdy» dep atap aıtqan bolatyn. Bul sózderdiń ádilettiligin ómirdiń ózi dáleldep berdi», - dedi oblys ákimi.
«Etnosaralyq kelisimdi nyǵaıtýǵa qosqan úlesi úshin oblystyq birlestikterdiń 4 basshysy ІІ dárejeli «Dostyq» ordenimen, bireýi «Qurmet» ordenimen, oblystyq EMB basshylary «Qazaqstan Respýblıkasy Táýelsizdiginiń 20 jyldyǵy» mereıtoılyq medalimen, Qazaqstan Respýblıkasynyń, Qazaqstan halqy Assambleıasynyń Qurmet gramotalarymen marapattaldy», - dep atap ótti óńir basshysy.