Óńir ákimdikteri jergilikti mańyzy bar 2,3 myń shaqyrym joldy jóndeıdi - A.Jumaǵalıev
«Búginde avtojoldardyń jergilikti jelilerin salý, jóndeý jumystarymen tikeleı jergilikti ákimdikter aınalysady ári jergilikti jeliniń uzaqtyǵy 76602 shaqyrymdy quraıdy. Aǵymdaǵy jyly jóndeý jumystarymen 2393 shaqyrym jol qamtyldy. Onyń ishinde 172 shaqyrymy jańǵyrtyldy, 417 shaqyrymy kúrdeli jóndeýden ótti, al 1804 shaqyrymyna ortasha jóndeý jumystary júrgizildi», - dedi ol.
Mınıstrdiń sózine qaraǵanda, bul sharalar jergilikti avtojoldardyń jaı-kúıin 3 paıyzǵa jaqsartyp, nashar joldardy 34 paıyzǵa deıin qysqartady.
Esterińizge sala keteıik, 11 qazanda ótken Úkimettiń keńeıtilgen otyrysynda QR Prezıdenti Nursultan Nazarbaev qurylys salasynda jańa tehnologııalar engizý esebinen kúrdeli shyǵyndardy arzandatý ári sapasyn arttyrý boıynsha jumystardyń nasharlyǵyn synaǵan bolatyn. Nátıjesinde jańadan salynǵan avtojoldar paıdalanýǵa berilgennen keıingi jyly-aq qaıta jóndeýdi qajet etedi. Memleket basshysynyń atap ótýinshe, jol sapasy jónindegi álemdik reıtıngte Qazaqstan 144 eldiń ishinde 117-shi orynda tur.