Óńir ákimdikteri astyq qoımalaryn daıyndaýy qajet – Erbol Qarashókeev

ASTANA. QazAqparat – Aýyl sharýashylyǵy mınıstri Erbol Qarashókeev Úkimet otyrysynda baıandama jasaı otyryp, óńir ákimdikteri qambalardy ázirlep, jańa ónimdi qabyldaýǵa daıyn bolýy tıis ekenin eskertti, dep habarlaıdy QazAqparat tilshisi.

«Respýblıka boıynsha astyq saqtaýǵa arnalǵan qambalardyń jalpy syıymdylyǵy 29,9 mln tonna. Onyń ishinde astyq qabyldaý kásiporyndarynda – 13,1 mln tonna, aýyl sharýashylyǵy taýaryn óndirýshilerde – 16,8 mln tonna. Saqtaý qýattylyǵynyń kórsetilgen kólemi ótken jyldardyń aýyspaly qaldyqtaryn eskere otyryp, boljamdy egindi saqtaý úshin jetkilikti. Oblystar ákimdikteri astyq qoımalarynyń jańa ónimdi qabyldaýǵa daıyndyǵyn qamtamasyz etýi qajet», - dep toqtaldy Erbol Qarashókeev.

Eske salaıyq, bıyl 24 mln gektar alqaptan aýyl sharýashylyǵy daqyldary jınalady. Búginde onyń 2,4 mln gektarynan ónim alyndy.