Óńir ákimderi turǵyndar máselesin sheshýdiń naqty algorıtimin ázirleýi kerek – Premer-Mınıstr

ASTANA. QazAqparat – Óńir ákimderi turǵyndar máselesin sheshýdiń naqty algorıtimin ázirleýi kerek. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Aýyl sharýashylyǵy mınıstrligi memleket menshigine qaıtarylǵan aýyl sharýashylyǵy jerleriniń ashyq tsıfrlyq kartasyn jasasyn. Olardy bólý tetigi aıqyn bolýy kerek», - dedi Álıhan Smaıylov.

Úkimet basshysy óńir ákimderine turǵyndar tarapynan týyndaıtyn problemalyq máselelerge ýaqtyly monıtorıng júrgizip, olardy sheshýdiń naqty algorıtmderin ázirleýdi tapsyrdy.

«Meniń orynbasarlarym Memleket basshysynyń barlyq tapsyrmalarynyń oryndalýyn jáne Іs-qımyl josparynyń iske asyrylýyn naqty úılestirýdi jáne baqylaýdy uıymdastyrsyn», - dedi Premer-Mınıstr.