Ónerkásip jáne qurylys mınıstrliginiń apparat basshysy taǵaıyndaldy
— Qazaqstan Respýblıkasy Ónerkásip jáne qurylys mınıstriniń buıryǵymen Aıgúl Qarjaýbaıqyzy Kenjebaeva mınıstrlik apparatynyń basshysy laýazymyna taǵaıyndaldy, — delingen Úkimettiń baspasóz qyzmeti taratqan habarlamada.
Aıgúl Kenjebaeva 1980 jyly Jambyl oblysynda dúnıege kelgen. M. H. Dýlatı atyndaǵy Taraz memlekettik ýnıversıtetin, Qaraǵandy ekonomıkalyq ýnıversıteti jáne QR Prezıdenti janyndaǵy memlekettik basqarý akademııasyn bitirgen.
Eńbek jolyn 2001 jyly jeke kompanııada ekonomıst-menedjer bolyp bastaǵan.
2003-2004 jyldary QR Eńbek jáne áleýmettik qorǵaý mınıstrligi Astana qalasy boıynsha departamenti bóliminiń jetekshi mamanynyń m. a.
2004-2010 jyldary QR Indýstrııa jáne saýda mınıstrliginiń jetekshi mamany, bas mamany, bólim bastyǵy, basqarma bastyǵy.
2010-2014 jyldary QR Indýstrııa jáne jańa tehnologııalar mınıstrliginiń basqarma bastyǵy, departament dırektorynyń orynbasary.
2014-2019 jyldary QR Investıtsııalar jáne damý mınıstrligi departamenti dırektorynyń orynbasary, departament dırektory.
2019-2023 jyldary QR Indýstrııa jáne ınfraqurylymdyq damý mınıstrligi departamentiniń dırektory.
2023 jylǵy qazannan bastap qazirgi ýaqytqa deıin Ónerkásip jáne qurylys mınıstrligi departamentiniń dırektory.
Buǵan deıin habarlanǵandaı, Qostanaı oblysynda jańa aýdan ákimderi taǵaıyndaldy.