Ónerkásip jáne qurylys mınıstrliginde úsh vıtse-mınıstr men apparat basshysy taǵaıyndaldy
Baspasóz qyzmetiniń málimetterine qaraǵanda, Ónerkásip jáne qurylys mınıstriniń buıryǵymen Rahymjan Erjanuly Isaqulov vedomstvo apparatynyń basshysy laýazymyna taǵaıyndaldy.
Tımýr Qaraǵoıshın ónerkásip jáne qurylys vıtse-mınıstri qyzmetine taǵaıyndaldy.
1961 jyly Batys Qazaqstan oblysynda dúnıege kelgen. Almaty sáýlet-qurylys ınstıtýtyn, Tehnologııa, qurylys, baǵalaý jáne sapany basqarý ýnıversıtetin támamdaǵan. Eńbek jolyn 1978 jyly bastaǵan. Ol jyljymaly mehanıkalandyrylǵan kolonnalardyń sheberi, proraby boldy, Sáýlet-qurylysty baqylaý bıýrosyn basqardy. Qurylys isteri komıtetiniń Batys Qazaqstan oblystyq ortalyǵynyń dırektory bolyp jumys istedi, BQO ákimdiginde departamentter basqardy. 2005-2007 jyldary — Oral qalasy ákiminiń orynbasary. 2023 jyldyń sáýir-tamyz aralyǵynda QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy – QR Bas memlekettik qurylys ınspektory qyzmetin atqardy. 2023 jylǵy tamyzdan bastap qazirgi ýaqytqa deıin QR ındýstrııa jáne ınfraqurylymdyq damý vıtse-mınıstri boldy.
Azamat Beıisbekov QR Ónerkásip jáne qurylys vıtse-mınıstri qyzmetine taǵaıyndaldy.
1985 jyly Qaraǵandy qalasynda dúnıege kelgen. E.A. Bóketov atyndaǵy Qaraǵandy memlekettik ýnıversıtetin bitirgen. Prezıdenttik jastar kadr rezerviniń múshesi.
Ár jyldary Indýstrııa jáne jańa tehnologııalar mınıstrliginde, Premer-Mınıstr Keńsesinde, Prezıdent Ákimshiliginde, Qaýipsizdik Keńesinde jumys istedi. 2022 jyldan 2023 jylǵa deıin — Eńbek jáne halyqty áleýmettik qorǵaý mınıstrligi apparatynyń basshysy. 2023 jyldyń aqpanynan bastap qazirgi ýaqytqa deıin ındýstrııa jáne ınfraqurylymdyq damý vıtse-mınıstri qyzmetin atqardy.
Iran Sharhan ónerkásip jáne qurylys vıtse-mınıstri laýazymyna taǵaıyndaldy.
Iran Sharhanuly Sharhan 1987 jyly Aqtóbe oblysynda dúnıege kelgen. L.N. Gýmılev atyndaǵy Eýrazııa ulttyq ýnıversıtetin, Qazaq ekonomıka, qarjy jáne halyqaralyq saýda ýnıversıtetin, Abaı Myrzahmetov atyndaǵy Kókshetaý ýnıversıtetin bitirgen. Ár jyldary QR Densaýlyq saqtaý mınıstrligi janyndaǵy marketıng boıynsha maman, sarapshy, Memlekettik satyp alý basqarmasy bas sarapshysy bolyp jumys istedi. QR Indýstrııa jáne jańa tehnologııalar mınıstrligi Memlekettik satyp alý basqarmasyn basqardy. 2020-2021 jyldary – Aqtóbe oblysynyń ındýstrııalyq-ınnovatsııalyq damý basqarmasynyń basshysy, QR Indýstrııa jáne ınfraqurylymdyq damý mınıstrligi QPQ boıynsha jer qoınaýyn paıdalaný departamentiniń dırektory.
2022 jyldyń qyrkúıeginen bastap qazirgi ýaqytqa deıin ındýstrııa jáne ınfraqurylymdyq damý vıtse-mınıstri boldy.
Rahymjan Isaqulov ónerkásip jáne qurylys mınıstrligi apparatynyń basshysy qyzmetine taǵaıyndaldy.
1987 jyly Shymkent qalasynda dúnıege kelgen. 2010 jyly «Bolashaq» baǵdarlamasy boıynsha Roıal Holloveı London ýnıversıtetin, Bedford Nıý kolledjin (Ulybrıtanııa) bitirgen. 2016 jyly Japonııa úkimetiniń granty boıynsha Ulttyq Aspıranttar saıası zertteýler ınstıtýtyn támamdaǵan.
Ár jyldary QR Prezıdenti Ákimshiliginiń Memlekettik qyzmet jáne kadr saıasaty bóliminiń keńesshisi, ınspektory boldy. 2016 jyldan 2018 jylǵa deıin QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory qyzmetin atqardy. 2018 jyldan 2020 jylǵa deıin Batys Qazaqstan oblysy ákimi apparatynyń basshysy boldy. 2020 jyly QR Aqparat jáne qoǵamdyq damý mınıstriniń keńesshisi qyzmetin atqardy. 2020 jyldan 2022 jylǵa deıin — Astana qalasy ákimi apparatynyń basshysy. 2022 jyldan bastap QR Aqparat jáne qoǵamdyq damý mınıstrligi apparatynyń basshysy qyzmetin atqardy.