Ónerkásip mınıstrligi Azıada formasy sapasyna tekserý júrgize me

<p>Jýyrda Azıada spartakıadasy sportshylaryna arnaıy tigilgen forma synǵa ushyrady. Problema &ndash; sapada. Oǵan kim jaýapty? Osyǵan oraı Ónerkásip jáne qurylys mınıstri Qanat Sharlapaev pikir bildirdi, dep habarlaıdy QazAqparat tilshisi.&nbsp;</p>

«Azıada spartakıadasyndaǵy sportshylardyń formasyna qatysty bizge shaǵym túsken joq. Ónimniń sapasyna kelsek, tapsyrysty sporttyq is-sharany uıymdastyrýǵa jaýap beretin organ óz betinshe júzege asyrady. Sondyqtan bizdiń mınıstrlik jetkizýshini tańdaýda naqty sapany tekserýdi júrgizbedi. Óıtkeni, bul quzyrly mınıstrlik pen ónerkásiptiń arasyndaǵy jaǵdaı», - dedi Qanat Sharlapaev Úkimet otyrysynan keıin bolǵan baspasóz máslıhatynda.

Onyń aıtýynsha, ónerkásip salasynda memlekettik standarttar bar. Atalǵan naryq joǵary básekege qabiletti.

«Qazirgi ýaqytta bizdiń mınıstrlikke eshqandaı aryz-shaǵym túsken joq. Óz basym, tekserý amaldary múddeli taraptardan ótinish túsken kezde ǵana júrgiziledi dep oılaımyn», - deıdi vedomstvo basshysy.

Eske salsaq, qazaqstandyq sportshy Azıada formasynyń sapasyn synǵa alǵan edi.

Keıin Týrızm jáne sport mınıstrligi otandyq sportshylarǵa daıyndalǵan formanyń sapasyna qatysty resmı túsinikteme berdi.