Ónerkásip mınıstri Maraldydaǵy jaǵdaıǵa pikir bildirdi

<p>ASTANA. KAZINFORM &mdash; Ónerkásip jáne qurylys mınıstri Qanat Sharlapaev Shyǵys Qazaqstan oblysyndaǵy Maraldy aýyly turǵyndarynyń altyn óndirý kásipornyn salýǵa qarsylyq tynytýy máselesine qatysty pikir aıtty.</p>

«Maraldyǵa Ónerkásip jáne qurylys vıtse-mınıstri saparmen bardy. 

Ókinishke qaraı, jaýapty sheteldik ınvestor Maraldy aýylynyń ekologııalyq máselesin jeleý etip, áreket jasap júrgen shaǵyn bir toptaǵy adamdardyń qurbany boldy. Bul áreketter osy aýyldyń damýyna nuqsan keltiredi. Meniń ustanymyma toqtalsam, ınvestor kelip, aqsha salyp, fabrıka turǵyzady. Maraldyda 300-den astam adam turady. Olardyń árqaısysyna jumys orny daıyndaldy, sondaı-aq ınvestor jol, áleýmettik ınfraqurylym jáne basqa da nysandardy salý boıynsha mindettemeler aldy. Bul jerge óte jaýapty sheteldik ınvestor kelgen edi. Meniń oıymsha, memleket jumys oryndaryn ashý, áleýmettik ınfraqurylymdy damytý úshin sheteldik ınvestorlardy tartýǵa jumys isteýi kerek», - dedi Q.Sharlapaev Senatta tilshiler suraǵyna jaýap bere otyryp.

Mınıstr atalǵan óńirdegi máselemen egjeı-tegjeıli tanysqanyn aıtty.

«Máselen, Maraldynyń ózinde turatyn naqty adamdar bar. Sonymen qatar, osy aýylda turmasa da jáne tikeleı qatysy bolmasa da ózderiniń yqpalyn tıgizýge áreket etip júrgen basqa da adamdar bar», - dedi Q. Sharlapaev.

Buǵan deıin birneshe jyl buryn Maraldy aýylynyń halqy altyn óndirý fabrıkasynyń qurylysyna qarsylyq tanytty. 

Ekologııalyq turǵyda altyndy ashyq jolmen óndirý jáne fabrıka salý máselesi jergilikti turǵyndardy alańdatty

2023 jyldyń kúzinde altyn óndirý fabrıkasynyń jumysy toqtamaıtyny habarlandy.