Ónerkásip mınıstri qandaı qyzmettik kólikpen júredi
15:06, 28 Mamyr 2024
<p>ASTANA. KAZINFORM — Ónerkásip jáne qurylys mınıstri Qanat Sharlapaev qyzmettik kóliginiń markasyn atady.</p>
«Kólikti ózimiz tańdamaımyz. Olardy bizge usynady. Bir kezderi Qazaqstanda qurastyrylǵan ELANTRA kóligimen júrdim, jumys mashınam boldy. Kóńilimnen shyqty. Mashınany Prezıdent Іs basqarmasy usynady. Men KІA kóligimen júremin. Oǵan múldem uıalmaımyn. Másele sál basqada. Uzaq jylǵy tájirıbege oraı Úkimet músheleri mashınany ózderi tańdamaıdy», — dedi mınıstr Úkimet otyrysynan keıingi baspasóz máslıhatynda.
Sonymen qatar ol «Báıterek» holdınginde jumys istegen kezinde úlken Mersedes kóligimen júrgenin, keıin ony otandyq kólikke aýystyrǵanyn aıtty.
Aıta keteıik, elimiz 2025 jylǵa qaraı jeńil avtomobıl óndirisin 160 myńǵa jetkizýdi josparlap otyr.