Ónerkásipti eksportqa baǵyttaý is-sharalary ataldy

NUR-SULTAN. QazAqparat – Elimizde ónerkásipti eksportqa baǵyttaý is-sharalary zańmen belgilenedi. Bul týraly QR Indýstrııa jáne ınfraqurylymdyq damý vıtse-mınıstri Amanııaz Erjanov aıtty, dep habarlaıdy QazAqparat tilshisi.

Vıtse-mınıstr Májiliste ótken dóńgelek ústel barysynda «Ónerkásiptik saıasat týraly» jańa zań jobasyn tanystyra kele, ótkizý naryǵyndaǵy ilgeriletý ónerkásiptiń damý serpinin qamtamasyz etý jolynda ónerkásip vektorynyń eksportqa baǵdarlanýyna jáne ulttyq ekonomıkanyń ózin-ózi qamtamasyz etýine baǵyttalǵanyn aıtty.

«Ónerkásiptiń eksportqa baǵyttalýy kelesi is-sharalarmen qamtamasyz etiledi. Atap aıtsaq: kásiporyndardy shetelde qoldaý, servıstik qoldaý jáne syrtqy naryqtaǵy kedergilerdi joıý. Ulttyq ekonomıkanyń ózin-ózi qamtamasyz etýine satyp alýdaǵy ulttyq standarttar, kepildendirilgen satyp alý, Memlekettik satyp alýdaǵy ulttyq rejımnen bosatý tárizdi sharalar arqyly qol jetkiziledi»,- dedi Amanııaz Erjanov.

Onyń atap ótýinshe, kepildendirilgen satyp alý máseleleri jumys tobynyń otyrystarynda belsendi túrde talqylanýda.

«Sondaı-aq, jaqynda qol qoıylǵan «Kvazımemlekettik sektordyń jekelegen sýbektilerin satyp alý týraly» Zańdy eskere otyryp, pysyqtalýy qajet ofteık jáne ofset kelisimsharttary boıynsha uǵymdar men normalardy qosý usynyldy», - dedi ol.