Óner juldyzdary kópbalaly otbasylarǵa noýtbýk pen planshet taratty
Aktsııa aıasynda az qamtylǵan kópbalaly otbasylarǵa noýtbýkter men planshetter tabystaldy. Іs-sharaǵa Roza Rymbaeva, Altynbek Qorazbaev, Maqpal Júnisova, Aıjan Nurmaǵanbetova, Baǵdat Sámedınova, Jeńis Ysqaqova jáne ózge de uıymdardyń ártisteri qatysty. Igi bastama aıasynda óner juldyzdary qoǵam qaıratkeri Darhan Ýmralıevpen birlese otyryp balalardy paıdaly syılyqtarmen qýantty.
«Igi istiń bastaýy jańa án men beınebaıannyń shyǵýyna sebep boldy. Ánin kompozıtor Nursultan Batyrqulov, sózin tanymal aqyn Serikzat Dúısenǵazy jazdy. «Birlik bar jerde tirlik bar« demekshi, Qazaqkontsert ártisteri árqashan jaqsylyq jasaýǵa qushtar. Bul, mereıtoılyq maýsymdaǵy jańa jobalardyń bastamasy ǵana», - dedi óz sózinde Almaty qalasyndaǵy «Qazaqkontsert» MKU fılıal basshysyń orynbasary Renat Basıtov.
Aıta ketsek, bıyl ónerdiń qara shańyraǵy «Qazaqkontsert» memlekettik kontserttik uıymyna 60 jyl toldy. Mereıtoılyq maýsymashar kontsert qazan aıynyń basynda kórermensiz ótti. Óner súıer qaýym kontsertti «Habar» telearnasy men «Qazaqconcertlive» YouTube arnasynan tamashalady.