Óner juldyzdary «Alǵysym sheksiz» aktsııasyn uıymdastyrdy

NUR-SULTAN. QazAqparat - «Qazaqkontsert» uıymynyń ártisteri Alǵys aıtý kúnine oraı «Alǵysym sheksiz» atty qaıyrymdylyq aktsııasyn ótkizdi, dep habarlaıdyy QazAqparat tilshisi.

Іs-shara aıasynda Qazaqkontsert ártisteri el ıgiligi úshin adal eńbek etip, árdaıym qıyn kezeńde halyqtyń janynan tabylatyn azamattarǵa qoldaý kórsetip, eren eńbegi úshin alǵys aıtty.

Olardyń qatarynda jedel járdem qyzmetkerleri, tártip saqshylary, órt sóndirýshiler men qala tazalyǵyna jaýapty jumyskerler bar.

Qaıyrymdylyq aktsııasy «Asai new star» kompanııasymen birlese uıymdastyryldy.

Qala kóshelerindegi qoǵamdyq tártip, tazalyq pen halyq densaýlyǵyn jiti baqylaýda ustap, táýlik boıy tynbaı jumys isteıtin qyzmetkerlerge ystyq tamaq pen shaı usynyldy.

«Alǵys aıtý kúni – eldiń birligin arttyratyn, jaqsylyq pen meıirimdi ulyqtaıtyn mereke. Qazaqkontsert ártisteri kóktemniń alǵashqy merekesin osylaısha ózara yntymaqtastyqty arttyratyn ıgi dástúrmen bastady. Osy arqyly biz alǵys aıtý merekesiniń izgiligin asqaqtatyp, tárbıelik mán-mańyzyn arttyrýǵa úles qostyq dep oılaımyn»,- deıdi «Qazaqkontsert» uıymynyń ártisi, belgili ánshi Qurmash Mahan.