Óner jáne demalys salasynda jumysyn ýaqytsha toqtatqan kompanııalar 22%-ǵa artty

NUR-SULTAN. QazAqparat - Óner men demalys salasynda qyzmetin ýaqytsha toqtatqan kompanııalar sany birden 22%-ǵa kóbeıdi, dep habarlaıdy QazAqparat Ranking.kz portalyna silteme jasap.

Óner, oıyn-saýyq jáne demalys salasynda jumys isteıtin, tirkelgen kompanııalardyń sany bıyl mamyrdyń sońynda 6,7 myńdy qurap, jyl ishinde 3,5%-ǵa artty. Onyń ishinde jumys istep turǵany – 4,8 myń mekeme, jyldyq ósim - 6,2%.

Qazaqstanda koronavırýs ınfektsııasynyń taralýyna baılanysty oıyn-saýyq ortalyqtary, onyń ishinde balalarǵa arnalǵan ortalyqtar, kınoteatrlar, teatr, kórme men basqa da adam kóp jınalatyn jerler jabylǵan.

Óner, oıyn-saýyq jáne demalys salasynda jumys istep turǵan mekemelerdiń 95%-ǵa jýyǵy - shaǵyn kompanııalar. Onyń sany jyl ishinde 6,4%-ǵa, ıaǵnı 4,6 myńǵa deıin kóbeıgen.

Mamyrdyń sońyndaǵy derek boıynsha, sektordaǵy ortasha kompanııalar sany – 226 (jyldyq ósim 2,7%), irileri – 40 (jyl ishinde san ózgermedi).

Jumys istep turǵan kompanııalardyń jyldyq ósimi boıynsha el astanasy kósh bastap tur. Jyl bastalǵaly óńirde 878 jańa kompanııa jumysyn bastap, jyldyq ósim 14,6%-dy quraǵan. Odan keıingi oryndarda Túrkistan (+13,5%) jáne Aqtóbe oblystary (+12,9%) tur.

Sektorda qyzmeti ýaqytsha toqtaǵan kompanııalar jyldyq esep boıynsha birden 21,5%-ǵa artyp, 1,1 myńdy qurady.