«Óner qyrandarynyń» Almatyda ótetin kontsertine qatysty shý shyqty

ASTANA. QazAqparat – Jelide 24-25 jeltoqsanynda Respýblıka saraıynda «Óner qyrandary – Hareket qoryna 5 jyl» is-sharasyn ótkizý týraly jalǵan aqparat taratýda. Bul týraly «Almaty áýenderi» habarlady.

«Uıymdastyrýshymen atalǵan is-sharany ótkizýge shart jasalmaǵan. Sonymen qatar atalǵan kúnderi Respýblıka saraıynda «Jańa jyldyq shoý» ótkizý josparlanǵan. Osyǵan qaramastan «Hareket» qaıyrymdylyq qory» QQ jáne «Óner qyrandary» teatrynyń ókilderi is-sharany ótkizý týraly jalǵan aqparat taratýdy jalǵastyrýda, sondaı-aq bıletterdi Kassir.kz arqyly satqan. Tıisti quqyq organdarynyń tekserýimen atalǵan sharanyń ótý kúni jalǵan ekeni anyqtaldy»,- delingen habarlamada.

Sondyqtan 24- 25 jeltoqsanda ótetin «Óner qyrandary – Hareket qoryna 5 jyl» kontsertine satyylǵan barlyq bılettiń kúshi joıyldy. Bılet aqshasy kassir.kz saıtynda belgilengen ereje boıynsha qaıtarylmaq.