Óndiristegi jazataıym oqıǵalar sany azaımaı otyr – Úkimet basshysy

ASTANA. QazAqparat – Óndiristegi jazataıym oqıǵalardyń sany azaımaı otyr. Bul týraly QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Ókinishke qaraı óndiristegi jazataıym oqıǵalardyń sany azaımaı otyr. Eńbek mınıstrligi múddeli memlekettik organdarmen birlesip, qaýipsizdik talaptarynyń buzylýyna muqııat taldaý júrgizý kerek. Jáne de qaýipsiz eńbekti qamtamasyz etý jónindegi is-qımyl josparyn ózektendirý qajet», - dedi Úkimet basshysy búgin Eńbek jáne halyqty áleýmettik qorǵaý mınıstrliginiń keńeıtilgen alqa májilisinde.

Onyń atap ótýinshe, Memleket basshysynyń tapsyrmasymen eń tómengi jalaqyny anyqtaý ádistemesi ázirlenip jatyr.

«Ol negizgi áleýmettik-ekonomıkalyq kórsetkishterdi eskere otyryp, eń tómengi jalaqy mólsherin belgileýge teńgerimdi tásildi qamtamasyz etýi tıis», - dedi Álıhan Smaıylov.