Óńdeý ónerkásibin damytý úshin júıelik is-sharalar daıyndalýda

NUR-SULTAN. QazAqparat – Óńdeý ónerkásibin damytý úshin júıelik is-sharalar daıyndalýda. Bul týraly QR Premer-Mınıstriniń orynbasary Roman Sklıar aıtty, dep habarlaıdy QazAqparat tilshisi.

«Indýstrııalandyrý kartasy aıasynda 12 myńnan astam jańa turaqty jumys oryndaryn qurýmen, 128 joba júzege asyrylýda. Indýstrııalandyrýdy odan ári damytýdyń keshendi jáne júıeli tásiliniń kerektigin eskere otyryp «Indýstrııalyq saıasat týraly» Zań qabyldanady», - dedi ol Úkimet úıinde ótken baspasóz máslıhatynda.

Vıtse-premerdiń atap ótýinshe, atalǵan Zań saladaǵy jumystyń protsesin júıelendirip memlekettik qoldaý kórsetý sharttaryn jeńildetedi.

«Qazirgi ýaqytta zń jobasy Qazaqstan Respýblıkasy Parlamenti Májilisinde qaralýda. Zańnamalyq jumystardan basqa óńdeý ónerkásibin odan ári damytý úshin birqatar júıelik is-sharalar daıyndalýda», - dedi Roman Sklıar.