Ońdasyn Orazalın: Aqtóbedegi eń birinshi problema – jol
Óńir basshysy Ońdasyn Orazalın oblystyq jolaýshylar kóligi jáne avtomobıl joldary basqarmasynyń basshysy Málimbet Ibrashevtiń esebin tyńdady. 2020 jyly Aqtóbe qalasyndaǵy Bókenbaı batyr kóshesinde ortasha jóndeý jumystary júrgizilip, Elek ózeni arqyly ótetin kópir eki esegi keńeıetini belgili boldy. Bul joldardyń jobalyq-smetalyq qujaty ázirlenedi.
«Joldardyń jaı-kúıinen tolyq habardarmyn. Óńirde jol máselesi birinshi kezektegi problema bolyp otyr. Tegis joldarǵa qol jetkizý úshin jan-jaqty ári júıeli jumys atqarýǵa kiristik. Túıtkildi másele birtindep óz sheshimin tabaryna senimdimin», - dep atap ótti Ońdasyn Orazalın.
Keıin óńir basshysy «Arlan» sport kesheniniń qurylysymen tanysty. Munda kúnine 400 adamnyń sportpen shuǵyldanýyna tolyq múmkindik bar. . Shaǵyn fýtbol, voleıbol, basketbol, taekvando, dzıýdo, bı zaldary, basseın jumys jasaıdy.Ońdasyn Orazalın dene shynyqtyrý jáne sport basqarmasynyń basshysy Evgenıı Goncharovqa kópshilik arasynda jappaı sportpen shuǵyldaný nasıhatyn kúsheıtip, balalardy sportqa beıimdeýdi tapsyrdy.
Aımaq basshysy oblystyq tilderdi damytý basqarmasy tilderdi oqytý ortalyǵynyń jumysymen de tanysty. Segiz mýltımedııalyq oqý kabınetimen jabdyqtalǵan mekemeniń Hromtaý, Mártók, Qarǵaly, Alǵa, Qobda Muǵaljar aýdandarynda bólimderi jumys jasaıdy. Ortalyq basshysy Klara Serǵazınanyń aıtýynsha, jyl basynan beri memlekettik tildi 1445 azamat oqysa, aǵylshyn tilin 187 adam meńgergen. Sondaı-aq, latyn grafıkasyna kóshý jumystary úshin 27 087 azamattyń qatysýymen 398 aqparattyq-túsindirme jumystary júrgizilgen.
«Til úırenýge qushtar azamattarǵa neǵurlym jeńil, uǵynyqty ádisteme qoldanǵan durys. Keıde durys aýdarylmaǵan termınder men oqytýshynyń biliksizdigi azamattardyń qyzyǵýshylyǵyn joǵaltyp jatady», - dedi óńir basshysy.
Budan soń oblys ákimi «Qonys» sport kesheninde «Aqtóbe» basketbol komandasymen, komanda basshysy Almat Kenjeǵulovpen jáne komandanyń bas jattyqtyrýshysy Arsen Teleýovpen kezdesti.