On jylda elimizde 7,5 mln kitap memtapsyryspen shyǵarylǵan

<p>ASTANA. KAZINFORM — Mádenıet jáne aqparat mınıstrligi <a href="https://kaz.inform.kz/" target="_blank" rel="noopener">Kazinform</a> saýalyna joldaǵan jaýapta keıingi 10 jylda memlekettik tapsyryspen neshe kitap jaryq kórgenin málim etti.</p>

«Baspa isinde „Ádebıettiń áleýmettik mańyzdy túrlerin satyp alý, basyp shyǵarý jáne taratý“ respýblıkalyq bıýdjettik baǵdarlamasy aıasynda jyl saıyn qoǵamdyq mańyzy bar ádebıetti satyp alý, basyp shyǵarý jáne taratý qyzmeti júzege asady. Atalǵan baǵdarlama eki baǵytta jumys isteıdi, birinshi — qoǵamdyq mańyzy bar ádebıetti basyp shyǵarý jáne taratý. Bul baǵytta 2013-2023 jyldary 9 ádebıet túri boıynsha 2501 kitap jalpy taralymy 7 mln 471 myń 200 danamen basylyp shyǵyp, respýblıkalyq, oblystyq, aýdandyq memlekettik kitaphanalarǵa taratyldy», — dep jazylǵan resmı jaýapta.

Memlekettik tapsyryspen jaryq kóretin eńbekter 9 ádebıet túri boıynsha irikteledi:

• entsıklopedııalyq jáne anyqtamalyq ádebıet;
• balalar jáne jasóspirimderge arnalǵan ádebıet;
• mádenıet jáne óner týraly ádebıet, onyń ishinde notalyq ádebıet (notalyq shyǵarmalarda notalar shyǵarmanyń jalpy kóleminiń 50% quraıdy);
• kórkem ádebıet;
• tanymdyq ádebıet;
• qoǵamdyq-saıası ádebıet;
• ǵylymı-kópshilik ádebıet;
• aýdarma ádebıet;
• mereıtoılar men ataýly kúnderge arnalǵan ádebıet.

«2023 jyly qoǵamdyq mańyzy bar ádebıetti basyp shyǵarý baǵytymen 134 atalym ádebıet jalpy taralymy 346 myń danamen jaryq kórip, kitaphanalarǵa taratyldy», — delingen mınıstrlik málimetinde.