On jyl buryn ashylǵan atyraýlyq Jastar teatry endi ǵana derbes ǵımaratqa ıe boldy

<p>Atyraýda Jastar teatry 2014 jyly qurylǵan. Teatr ujymy derbes ǵımarat pen tirkeý týraly kýálikke on jyldan keıin qol jetkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazir teatrda 25 jas akter jumys isteıdi. Ónerli jastar aýdandarǵa, kórshiles oblystarǵa gastrolge shyǵyp, sheteldik teatr festıvalderinde top jarǵan.

Mádenıet jáne aqparat mınıstrligi Mádenıet komıtetiniń tóraıymy Kúmis Seıitovanyń aıtýynsha, óner ujymy 66-shy bolyp tirkelgen.

Teatr ujymyna tirkeý týraly kýálik pen derbes ǵımarattyń berilýine oraı ótken saltanatqa tanymal óner ókilderi qatysty.

Foto: Atyraý óńirlik kommýnıkatsııalar qyzmeti

Onyń arasynda Qazaqstannyń eńbek sińirgen qaıratkeri, rejısser Ashat Maemırov, Kann kınofestıvaliniń júldegeri, belgili kınoaktrısa Samal Eslıamova, teatr jáne kıno akterleri, «Daryn» syılyǵynyń ıegerleri Aıan Ótepbergen men Asylhan Tólepov, «Serper» jastar syılyǵynyń laýreaty, Batys Qazaqstan oblystyq kameralyq orkestriniń dırektory Saltanat Ábilǵazıeva men M.Áýezov atyndaǵy ulttyq drama teatrynyń aktrısasy, «Sahnager» ulttyq teatr syılyǵynyń laýreaty Ajarlym Baǵytjanova bar.

«Atyraý — el mádenıetine úlken úles qosyp kele jatqan óńir. Qazaq mádenıetiniń qaıratkerleri, belgili tulǵalar salǵan izdi ónerli jastar jalǵastyrýdy qolǵa aldy. Jastar teatryna jóndeý júrgizilgen D. Nurpeıisova atyndaǵy munaıshylar saraıy berý týraly sheshim qabyldadyq», -dedi oblys ákiminiń orynbasary Jasulan Bısembıev.

Foto: Atyraý óńirlik kommýnıkatsııalar qyzmeti

Tanymal kompozıtor, Qazaqstan jáne Qyrǵyzstannyń eńbek sińirgen qaıratkeri, Qazaqstannyń Eńbek Eri Іlııa Jaqanov jas ujymǵa batasyn berdi.

Al Jastar teatrynyń ujymy Bernard Shoýdyń «Kleopatra» tarıhı dramasyn kórermen nazaryna usyndy.

Jastar teatry 2019 jyly Ispanııanyń Lloret de Mar qalasynda ótken «Theatrical Talents» teatrlar festıvalinde rejısser Muqanǵalı Tomanovtyń «Zatmenıe» qoılymymen qatysyp, bas júldeni ıelengen.

Foto: Atyraý óńirlik kommýnıkatsııalar qyzmeti

Al, 2021 «Kleopatra» dramasymen Kerch qalasynda ótken 23-shi «Bosporskıe ogonı» atty halyqaralyq antıkalyq óner festıvalinde de bas júldeni jeńip alǵan.

Bul festıvalde «Úzdik áıel beınesi» nomınatsııasy teatr aktrısasy Ǵaını Kýkatovaǵa berilgen.

Eske sala ketelik, buǵan deıin Atyraý teatry birinshi respýblıkalyq teatrlar festıvaliniń bas júldesin ıelengenin habarlaǵan edik. 

Foto: Atyraý óńirlik kommýnıkatsııalar qyzmeti