On toǵyzynshy jeńis: Shavkat Rahmonov ırlandııalyq faıter Ien Gerrıdi jeńdi

<p>ASTANA. KAZINFORM - Qazaqstandyq Shavkat Rahmonov (18-0) Las-Vegasta (AQSh, Nevada shtaty) UFC 310 týrnırinde ırlandııalyq faıter Ien Gerrımen jekpe-jekke shyǵyp, tóreshilerdiń biraýyzdan sheshimimen qarsylasynan basym tústi.</p>

Irlandııalyq faıter de buǵan deıin eshqashan jeńilip kórgen joq edi. Qazirge deıin 15 jekpe-jeginiń barlyǵynda qarsylastaryn qapy qaldyryp ketti.

Búgingi jekpe-jek bes raýndqa josparlanǵan bolatyn. Nátıjesinde tóreshilerdiń biraýyzdan sheshimimen jeńis Shavkatqa berildi.

Osylaısha qazaqstandyq sportshy kásibı mansabynda on toǵyzynshy márte jeńiske jetip otyr. Al Ien Gerrı alǵash ret jeńilistiń aşy dámin tatty.

Aıta ketsek, bul Shavkattyń tóreshiler sheshimimen jeńiske jetken alǵashqy jekpe-jegi. Buǵan deıingi saıystarda ol jekpe-jekti merziminen buryn aıaqtady.

Endigi kezekte Shavkattyń orta salmaqtaǵy UFC chempıony Belal Mýhammadpen (24-3) jekpe-jegi ótýi múmkin. Alǵashqy olardyń jekpe-jegi búgingi týrnırge josparlanǵan edi. Degenmen amerıkalyqtyń densaýlyǵyna baılanysty ol ótpeı qaldy.

Eske salsaq, budan buryn UFC-diń YouTube arnasynda qazaqstandyq Shavkat Rahmonov (18-0) pen ırlandııalyq Ien Gerrı (15-0) arasynda ótetin jekpe-jekke arnalǵan fılm jaryq kórdi.