On sotyq jer kezegine endi elektrondy túrde turýǵa bolady

NUR-SULTAN. QazAqparat. Qazaqstandyqtar endi jeke turǵyn úı qurylysyna jer alý úshin eGov.kz portaly arqyly kezekke tura alady, dep habarlaıdy QazAqparat tilshisi.

QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń habarlaýynsha, turǵyndar, tipti kezeginiń jyljý barysyn óz betinshe baqylap, jer kezegine budan buryn berilgen ótinishiniń derekterin ózektendire alady. Bul protses árbir qazaqstandyq alýy tıis 10 sotyq jerdi alý barysyn barynsha ashyq qylady. Al avtomatızatsııa arqasynda bul protseske 5 mınýt qana jumsalady.

Buǵan deıin jer ýchaskesin alý kezegine turý úshin qazaqstandyqtar ákimdikterge qaǵaz júzinde ótinish tapsyratyn, onda kezek reti durys júrgizile bermeıtin. Onyń ústine, kezde kezekke turý protsesi 12 kún ýaqytty alatyn. Bul ótinishter 16 jyl boıy aýdan, qala, oblys deńgeıinde bólek-bólek saqtaldy.

«Ákimdikter bergen tizimdi biz tsıfrlandyryp, elektrondy formatqa aýystyrdyq. Jer telimine kezekti tsıfrlandyrý – sybaılas jemqorlyqty joıý jáne jerdi ıgerý úderisinde jasalǵan úlken ilgeri qadam. Endi kámelet jasyna tolǵan árbir qazaqstandyq úıden shyqpaı-aq, 10 sotyq jerge eGov.kz arqyly ótinim bere alady. Taǵy bir jańashyldyq – endi tańdaǵan aımaqtyń ákimdigine barmaı-aq, elimizdiń kez kelgen óńirinen jer telimine ótinim berýge bolady», – dep túsindirdi QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov.

Bul qyzmetti paıdalaný úshin eGov.kz portalyna kirip, «Jyljymaıtyn múlik» – «Jer qatynastary» bóliminen «Jeke turǵyn úı qurylysyna jer ýchaskesin (10 sotyq jer) alýǵa kezekti qaraý nemese kezekke turý» qyzmetin tańdaý qajet.

Aıta keteıik, buǵan deıin bul qyzmettiń elorda ǵana elektrondy túrde bolǵanyn habarlaǵan edik.