On myńynshy qazaqstandyq shetelden ákelgen kóligin zańdastyrdy

KÓKShETAÝ. QazAqparat - Kókshetaý turǵyny kóligin zańdastyrǵan on myńynshy adam boldy, dep habarlaıdy Polisia.kz.

31 jastaǵy Azamat Eslıambekov Honda Odyssey markaly avtokólikti Armenııadan alyp kelgen.

Búgin er adam óziniń kólik quralyn zańdastyryp, qazaqstandyq tehpasportty, sondaı-aq memlekettik nómirlik belgini aldy.

Aıta ketý kerek, zańdastyrý 2023 jyldyń 1 shildesine deıin jalǵasady.

Ótinim berý tásilderi: eGov.kz úkimet portaly arqyly; ekinshi deńgeıli bankterdiń qosymshalary arqyly; HQO arqyly.

Ereje boıynsha avtokólik Qazaqstanǵa 2022 jylǵy 1 qyrkúıekke deıin ákelinýi tıis, qylmystyq esepte bolmaýy kerek, basqa memlekette burynǵy tirkelgen jeri boıynsha esepten shyǵarylýy qajet.

Sondaı-aq Eýrazııa ekonomıkalyq odaǵyna kirmeıtin elderden ákelingen avtokólik kedendik tazartýdan ótýi tıis.

Foto: polisia.kz