Ómirzaq Shókeev jaıylymdyq jer máselesin retteýdi júktedi

TÚRKІSTAN. QazAqparat - Jetisaı, Maqtaral, Keles aýdandarynyń turǵyndarymen kezdesken oblys ákimi Ómirzaq Shókeev olarmen birge birqatar ózekti máselelerdi talqylady, dep habarlaıdy QazAqparat óńir basshysynyń baspasóz qyzmetine silteme jasap.

Úsh aýdan azamattary men ákimderi bas qosqan jıynda jaıylym máselesine qatysty oılar ortaǵa salyndy. Qazirgi ýa­qytta, maldyń kó­­­­bi qystaq pen jaılaý­dan góri aýyl mańynda jaıylady. Son­dyq­­tan ol jerlerdiń ta­bı­ǵı ónimdiligi jyl sa­ıyn tómendep keledi. Mal basynyń artýy da jerdiń tarlyq etýine ákelip soǵýda. Onyń ústine kóp jerler jeke qolda. Máseleni retke keltirý jumystary Túrkistan oblysynda úsh jyldan beri júrgizilip keledi. Úsh aýdan azamattarymen júzdesken oblys ákimi jergilikti bılik pen jaýapty tulǵalarǵa jaıylymdyq jer máselesin retteýdi júktedi.

Oblys ákimi Ómirzaq Shókeev bir alqaptan 2-3 ónim alý boıynsha «Sabyr» sharýa qojalyǵynyń atqaryp jatqan jumystarymen tanysyp, jumysshylarmen kezdesti. Qyryqqabat egip, alǵashqy ónim alýǵa daıyndalyp júrgen dıqandar bul tásildiń tıimdiliginiń qyr - syrymen bólisti. Birinshi ónimdi jıyp alǵan soń olar qarbyz egýge kóshedi. Tıimdiligin dáleldegen tásilge júgingender, jylyna 1 ga jerden 8 mln teńgege deıin paıda tabady.