Ómirzaq Shókeev ıAsaýı kesenesiniń búlinip jatqany týraly aqparatqa túsinikteme berdi

TÚRKІSTAN. QazAqparat - Kógaldandyrýdan kesenege keler qaýip joq. Bul týraly ortalyq kommýnıkatsııalar qyzmetinde ótken brıfıngte Túrkistan oblysynyń ákimi Ómirzaq Shókeev aıtyp ótti, dep habarlaıdy QazAqparat tilshisi.

Q.A.ıAsaýı kesenesine qatysty áleýmettik jelide qyzý talqylanyp jatqan máselege oblys ákimi pikir bildirdi. «Mundaı pikirler aıtylyp turady. Kesene aýmaǵyndaǵy 88 gektar jerge eshqandaı ǵımarat salynbaıdy. Tek kógaldandyrý jumystary júrgizildi. Qazirgi kógaldandyrylǵan jerde burynda ártúrli gúlder men taldar egilgen bolatyn. Biz sol jerge gazon ektik. Artyndaǵy topyraǵy shyǵyp jatqan jerdi botanıkalyq baq jasadyq. Bul ıýneskonyń qaramaǵyndaǵy kesene. Sondyqtan barlyq jobalar solarmen kelisilip jasalady», - dedi Ó.Shókeev.

Sondaı-aq oblys ákimi Túrkistanǵa keletin týrısterge de jaǵdaı jasalý kerektigin jetkizdi. «Bizde ǵalymdarmen aqylasyp jasaımyz. Eshqandaı zııan kelip jatqan joq. Keıbir adamdar úıinde jatyp, pikir aıtady. Dálelin aıtsyn, soǵan saı sóılesetin bolamyz» - dedi Ó.Shókeev.

Budan buryn, 600 jyldan astam tarıhy bar nysannyń keı qabyrǵalary sýlana bastaǵany týraly aıtylǵan edi.