Ómirzaq Shókeev Saýran aýdanynyń qurylý sebebin aıtty
«Óńirde Saýran aýdany jańadan qurylǵan edi. Ondaǵy turǵyndar men qyzmetkerler qandaı máselelerge tap boldy?», - dep suraq qoıdy tilshiler Ortalyq kommýnıkatsııalar qyzmetinde.
«Shynynda da, Úkimet jáne Prezıdent Túrkistan oblysynda jańa aýdan qurý týraly sheshim qabyldady. Bul óte negizdi. Sebebi Túrkistan oblysyn qurýda Túrkistan qalasynyń barlyq irgeles aýyldyq okrýgteri Kentaý qalasyna berildi. Kentaý da qıyn jaǵdaıǵa tap boldy – ne qala, ne aýyl, ne aýdan ortalyǵy ekeni túsiniksiz boldy. Aýyldyq okrýgter aýdan ortalyǵynan óte alys ornalasqan. Kóptegen qolaısyzdyqtar boldy. Oǵan qosa, úlken aýyldarda mysaly, 12 myń turǵyny bar Shornaqta is júzinde bılik qurylymdary bolmady. 12 myń turǵynǵa berilgen bir ýchaskelik ınspektor máseleni sheshe almaıtyn edi. Sondyqtan janjaldy oqıǵalar bolǵanyn bilesizder. Qazir aýdan jańadan qalyptasýda. Sheshim qabyldanǵannan beri jeti aı ótti. Aýdan ákimdigi tolyqtaı jumys isteýde. Qazir bul aýdanda 35 eldi meken bar. Shornaq aýdan ortalyǵy boıynsha damytýdyń bas jospary ázirlendi. Ákimshilik ortalyq salý úshin kent ishinde 38 gektar jer bólindi. Bul maqsatqa respýblıkalyq bıýdjetten qarajat oblystyq bıýdjet arqyly bólinedi. Kelesi jyly úlken qurylys jumystary bolady. Jalpy, turǵyndar úshin bul óte yńǵaıly boldy», - dep jaýap berdi Ó. Shókeev.