Ómirzaq Shókeev qurylysy bıyl aıaqtalatyn nysandardy aralady

TÚRKІSTAN. QazAqparat - Oblys ákimi Ómirzaq Shókeev Túrkistan qalasyndaǵy ákimshilik-iskerlik jáne rýhanı-mádenı ortalyqtaǵy qurylys nysandaryn aralady, dep habarlaıdy QazAqparat oblys ákiminiń baspasóz qyzmetine silteme jasap.

Bul qurylystardy bıyl tolyq aıaqtaý josparlanǵan. Ákimshilik-iskerlik ortalyqta basqarmalar úıi, Kongress-holl, tsıfrlyq keńse, attraktsıondar saıabaǵy, jabyq basseıni bar sport kesheni, 7000 oryndyq stadıon, oqýshylar saraıy, departamentter syndy 8 nysan bar.

Al rýhanı-mádenı ortalyqta ıAsaýı murajaıy, «Uly dala» ortalyǵy, qolóner sheberleri ortalyǵyn qaıta jańǵyrtý, ǵylymı-ámbebap kitaphana, drama teatry, Tuńǵysh Prezıdenti saıabaǵy, Arbattyń, ıaǵnı 7 nysannyń qurylysy júrgizilýde. Budan ózge, «Kerýen Saraıdyń» qurylysy qyzý júrip jatyr. Sondaı-aq Q.A.ıAsaýı kesenesiniń býferlik aýmaǵyndaǵy abattandyrý jumystary da bıyl aıaqtalmaq.

«Ómirzaq Shókeev bastaǵan jumysshy top atalǵan qurylys alańdaryn aralap, Uly Jibek joly Ulttyq qolónershiler ortalyǵy men kelý ortalyǵy ǵımarattarynyń qaıta jóndelý barysyn tekserdi. Biregeı qolóner buıymdaryn daıarlaıtyn jáne joǵary sapaly qolóner buıymdarynyń tehnologııasyn oqytatyn iri qolóner ortalyǵynyń qurylysy aıaqtalyp, jańa keshenge sheberler jaıǵasýda. Uly Jibek jolynyń boıynda ornalasqan shaharda ashylatyn ortalyqta mamandar ulttyq naqyshtaǵy dúnıelerin kópshilik nazaryna usynbaq» delingen habarlamada.

Aımaq basshysy Túrkistan qalasyna kireberiste salynyp jatqan álemdegi ozyq tájirıbelerdi ushtastyrǵan eńseli meshittiń qurylys basynda boldy. Sáýleti erekshe Islam ortalyǵynyń shyǵystyq naqyshta bezendiriledi. 5 myń jamaǵatqa laıyqtandyrylǵan jańa ǵıbadat ornynyń jalpy aýmaǵy - 20 000 sharshy metr.

Meshitte musylmandyq joralardy jasaıtyn oryndar, kongress-holl, neke saraıy, 400 oryndyq medrese, kitaphana, ashana salynady.