Ómirzaq Shókeev: Ataýly áleýmettik kómek kórsetý kólemi 40 paıyzǵa artty
Oblys ákimi BAQ ótken baspasóz máslıhatynda «Túrkistan oblysyn áleýmettik-ekonomıkalyq damytýdyń 2024 jylǵa deıingi keshendi josparyna» toqtalyp, halyqtyń turmys sapasyn jaqsartý maqsatynda oblysta atqarylyp jatqan aýqymdy jumystar barysyn baıandady. Onyń sózinshe, kópbalaly analarǵa ataýly áleýmettik kómek kórsetý mólsheri ortasha eseppen 40%-ǵa artqan. Aǵymdaǵy jyly ataýly kómek alýǵa 103 myńnan astam otbasy ótinish bildirgen bolsa, onyń 65 myńnan astamyna osy kómek túri taǵaıyndalǵan.
«Óńirde jyl sońyna deıin 1032 kópbalaly otbasy pátermen qamtamasyz etiletin bolady. Budan bólek, 2019 jyldyń 5 aıynda Túrkistan oblysy boıynsha barlyǵy 1724 páter tapsyryldy. Jyl qorytyndysymen 50 turǵyn úı, ıaǵnı 2 613 páter paıdalanýǵa tapsyrylady. Sondaı-aq, medıtsına salasynda oblystyq bıýdjet esebinen 2018 jyly shalǵaı eldi mekenderge 62 modýldik medıtsınalyq pýnkt satyp alyndy, 2019 jyly 19 modýldik medıtsınalyq pýnkt ornatý josparlandy. Oblysta 2 qalalyq, 4 aýdandyq emhananyń qurylysy jáne Túrkistan qalasynda №3 oblystyq perınataldyq ortalyǵyna japsarlas 150 oryndyq perzenthanasy jáne 900 oryndyq 1 bilim uıasynyń qurylysy júrýde»,- dedi Ómirzaq Shókeev.