Ómirzaq Shókeev: Arystyń damýy qurylys aıaqtalǵan soń da qarqyndy jalǵasady
Arys qalasyndaǵy ekonomıkalyq-áleýmettik damý jumystary jańa qarqynda jalǵasyn tappaq. Otyrysta Arysta atqarylyp jatqan jumystar men jol, káriz júıesi jáne qurylystyń qujattandyrýy jaıly sońǵy málimetter talqylandy. Jıynda Nur-Sultan, Aqmola, Aqtóbe, Shymkent, Pavlodar, Batys Qazaqstan oblystarynyń ókilderi qujattardy tolyq rásimdep, ortalyqqa tapsyrý jaǵyn keshiktirip jatqany jaıly aıtyldy. Oblys basshysy bul máseleni jyldamyraq sheshýdi tapsyrdy. Sondaı-aq, Aqtóbe sektoryna qaraıtyn birneshe úıdiń qaıta saraptaýdan ótkeni belgili boldy. Nátıjesinde olar tolyq súrilip, jańadan soǵylady. Qurylysty oblys óz qolyna aldy. Jarylystan 8 myńnan astam turǵyn úıdiń 7634-i zaqymdanǵan bolsa, zertteý-zerdeleý jumystary júrgizilgennen keıin turýǵa jaramsyz dep tanylǵan 474 úı qaıta basynan salynýda. Qazirgi tańda 330 úıdiń qurylysy aıaqtaldy. Tolyq súrilip tastap, qaıta kóterilgen 144 úıdiń qurylysy da aıaqtalýǵa taıady. Qazir ishki árleý jumystary júrip jatyr. Qaladaǵy ınfraqurylymdy retteý barysynda Arys qalasynyń káriz júıeleri tolyq jóndeýden ótip, avtomattandyryldy. Arys jylytý maýsymyna da tolyq daıyn. Zaqym kelgen Arys kósheleri de jóndeýden ótti. 16 kósheniń aıaqjol salý jumystary aıaqtalyp, jaryqtandyrý boıynsha jumystar júrgizilip jatyr.
Sondaı-aq apparat májilisinde oblystaǵy mal jáne ósimdik sharýashylyǵy salalarynyń 9 aılyq jumys qorytyndysy jaıly baıandama jasaldy. Ómirzaq Estaıuly ósimdik sharýashylyǵy ónimderiniń ımportyn jáne mal bordaqylaý alańdaryndaǵy barlyq talaptardyń saqtalýyn qatań baqylaýdy tapsyrdy. Mal aýrýlarynyń aldyn alý jáne emdeý maqsatynda QR AShM Veterınarlyq qadaǵalaý komıtetiniń aýmaqtyq ınspektsııasymen birlesip oblystyq veterınarlyq qyzmetin jumyldyrý jáne kúsheıtýdi tapsyrdy. Aımaq basshysy azyq-túlik ónimderiniń saqtaýdyń mańyzdylyǵyn da atap ótti.