Ómirzaq Shókeev Arys qalasynda turyp, qalanyń qalpyna keltirilýin ózi qadaǵalaıdy

ARYS. QazAqparat - Túrkistan oblysynyń ákimi Ómirzaq Shókeev bir aı boıy Arys qalasynda turyp, qalany qalpyna keltirý jumystaryn jeke qadaǵalaıtyn bolady. Bul jaıly onyń keńesshisi Sáken Qalqamanov málim etti, dep habarlaıdy «QazAqparat» HAA tilshisi.

Búgin tańerteń qala turǵyndary óz úılerine oraldy. Ár oblys ákimdikteri tarapynan qalany qalpyna keltirý jumystary bastalyp ketti. Buǵan deıin belgili bolǵandaı, qala 17 sektorǵa bólinip, onyń árqaısysyna belgili bir óńir jaýapty bolady. Máselen, Almaty ákimdigi 14-shi sektorǵa jaýap berip, 450 úıdiń jóndeý jumystaryn júrgizedi.

Ulttyq kompanııalar áleýmettik ınfraqurylym nysandaryn: mektepterdi, aýrýhanalardy, HQO ǵımarattaryn, saýda ortalyqtary men taǵy da basqasyn qalpyna keltiretin bolady.

Sáken Qalqamanov oblys ákimi osy isterdiń basy-qasynda bolyp, ózi qadaǵalaıtynyn aıtty.