Ómirzaq Shókeev áleýmettik jelide jeke paraqsha ashty
«Qurmetti otandastar! Qazirgi tańda áleýmettik jeliler kóptegen qyzmet salalarynda mańyzǵa ıe jáne qoǵammen baılanys úshin eń tanymal platforma bolyp qala beredi. Áleýmettik jelilerdi paıdalaný - ýaqyt talaby. Soǵan sáıkes, endi Facebook áleýmettik jelisinde óz paraqshamdy ashyp otyrmyn. Bul paraqsha arqyly aımaqtaǵy jańalyqtardy jáne ózgeristerdi habarlaıtyn bolamyn. Sonymen qatar, maǵan Sizderdiń pikirlerińizdi bilý jáne usynystaryńyzdy qarap, jaýap berý mańyzdy. Endi #Shokeevke_suraq heshtegi arqyly óz pikirlerińizdi, tilekterińizdi qaldyra alasyzdar» delingen paraqshada.
Óńir basshysy jeke paraqshasynda sondaı-aq, jańadan oblys ortalyǵy bolǵan Túrkistan qalasynyń damýy men oblys aýmaǵynda atqarylyp jumystardy jazyp kórsetken. Aldaǵy josparlarymen bólisken.
«QR Tuńǵysh Prezıdenti Nursultan Ábishuly Nazarbaevtyń tarıhı sheshimi - oblys jáne túrki áleminiń mádenı-rýhanı ortalyǵy retinde Túrkistannyń áleýmettik-ekonomıkalyq damýyna qýatty serpin berdi. Bul tarıhı qadam rýhanı astananyń jańa múmkindikterin ashty. Búgingi kúni qasıetti qalada aýqymdy ózgerister bolyp jatyr, jańa qala salynýda. Bul baǵyttaǵy jumystar qyzý túrde jalǵasady. Meniń aldymda úlken mindetter tur. Basty maqsat - oblys halqynyń ál-aýqaty men ómir súrý sapasyn jaqsartý. Osy aptada men Keles jáne Saryaǵash aýdandaryna baryp, sharýa qojalyqtary men kásiporyndardyń jumysymen tanystym. Jerlesterimniń eńbekqorlyǵy men oblystyń áleýeti zor ekenin atap aıtqym keledi. Mundaı saparlar aldaǵy ýaqytta da jalǵasatyn bolady»,- deıdi Ómirzaq Shókeev.