Ómiráli Jalaıyrı: Beıbit sherýge qatysty qujatty qoldaý mańyzdy

ALMATY. QazAqparat – D.Qonaev atyndaǵy Eýrazııalyq zań akademııasynyń rektory Ómiráli Jalaıyrı «Qazaqstan Respýblıkasynda beıbit jınalystar, sherý, pıketter, demonstratsııalyq jınalystardy ótkizý men uıymdastyrý tártibi týraly» jańa zań jobasyna qoldaý bildirdi, dep habarlaıdy QazAqparat tilshisi.

Sarapshynyń aıtýynsha, jańa zańda habarlandyrý jáne reglament tártibi týraly ózgeris durys oryn tapqan.

«Bul zań jobasyn qoldaý óte mańyzdy. Sebebi jergilikti atqarý organdarynan belgili bir merzimde jaýap kelmese beıbit sherýdi ótkizýge ruqsat beriledi. Uıymdastyrýshylar habarlaǵan kúnnen bastap 15 kún ishinde jaýap klemese, beıbit sherý uıymdastyrý zańǵa qaıshy bolmaıdy», - dedi Ó.Jalaıyrı.

Sonymen qatar, atqarýshy organdar mıtıngi ótkizýge qarsylyqty naqty negizdeýi tıis.

Aıta ketý kerek, búgin Almatyda QR Aqparat jáne qoǵamdyq damý mınıstri Dáýren Abaevtyń qatysýymen beıbit sherýlerdi ótkizý týraly jańa zańnyń tujyrymdamasy talqylanǵan bolatyn.