«Omıkrondy» emdeýge arnalǵan segiz preparat anyqtaldy

NUR-SULTAN. QazAqparat - «Omıkrondy» emdeýde dárigerler koronavırýstyń basqa shtamdarynda qoldanǵan segiz vırýsqa qarsy preparat tıimdiligin kórsetti. Bul Kent ýnıversıteti men Gete atyndaǵy Frankfrýt ýnıversıteti ǵalymdary júrgizgen zertteýler nátıjesinde anyqtaldy, dep habarlaıdy QazAqparat Cell Research basylymyna silteme jasap.

Kletkalardy zertteý nátıjesi «omıkronnyń» segiz vırýsqa qarsy preparattarǵa jáne koronavırýstyq ınfektsııany emdeýge arnalǵan dári-dármekke sezimtal ekenin kórsetti. Olarǵa EIDD-1931 (molnýpıravırdiń belsendi metabolıti), rıbavırın, remdesıvır, favıpravır, PF-07321332 (nırmatrelvır, pakslovıdtiń belsendi ıngredıenti), nafamostat, kamostat jáne aprotının jatady.

Sondaı-aq ǵalymdar «omıkron» juqtyrǵan naýqastardyń derttiń aýyr túrlerimen azyraq aýyratyn sebebin de atady. Bul shtamm deneniń barlyq jasýshalarynda bolatyn ınterferon dep atalatyn reaktsııanyń basylýyna erekshe sezimtal bolatyndyǵyna baılanysty.