«Omıkron» juqtyrǵan balalarda sımptomdar jıi baıqalady – sarapshy

MÁSKEÝ. TASS-QazAqparat – Reseıdiń Densaýlyq saqtaý mınıstrligi Balalar densaýlyǵyn zertteý ulttyq medıtsınalyq ortalyǵynyń dırektory Andreı Fısenkonyń aıtýynsha, ekpe almaǵan balalardy onyń aınalasyndaǵylar aldyn alý sharalaryn saqtaǵan jaǵdaıda, qorǵap qalýǵa bolady, dep habarlaıy QazAqparat TASS agenttigine silteme jasap.

Balalar omıkron shtamyn jıi juqtyrady, sonymen qatar bul joly aýrýdyń sımptomdary bilinedi. Atap aıtqanda, tamaqtyń jybyrlaýy, álsizdik, jótel, ish ótý jáne bórtpe, dep málimdedi jýrnalısterge Andreı Fısenko.
«Omıkron» joǵary kontagıozdy bolyp keledi. Balalar vırýstyń bul túrin aldyńǵy shtamdarǵa qaraǵanda jıi juqtyryp jatyr. Buryn vırýs juqtyrǵan balalarda sımptomdar bolmaǵan, al qazir kelesideı sımptomdar baıqalady: dene qyzýy, álsizdik, muryn bitelýi, jótel, tamaqtyń jybyrlaýy men aýyrýy, sonymen qatar ish ótý jáne deneniń bórtýi. «Omıkronnyń» joǵarǵy tynys joldaryn zaqymdap, bronhıtke ákeletinin atap ótkim keledi. Olardy durys emdemese, asqynyp ketýi múmkin», - dedi ol.
Sarapshynyń aıtýynsha, ekpe almaǵan balany onyń aınalasyndaǵylar barlyq aldyn alý sharalaryn saqtaǵan jaǵdaıda, qorǵap qalýǵa bolady. «Balalardyń qaýipsizdigi men densaýlyǵy eresekterdiń tıisti sharlarǵa jaýapkershilikpen qaraýyna baılanysty», - dep qorytty Fısenko.