Omıkron joǵarǵy tynys joldaryn zaqymdaıdy- otorınolarıngolog
Dárigerdiń aıtýynsha, «omıkronnyń» basty belgileriniń biri – joǵarǵy tynys joldarynyń zaqymdanýy, basqa da klınıkalyq belgileri – dene qyzýynyń kóterilýi, bas aýrýy, álsizdik, bulshyqetterdiń aýrýy, tamaq aýrýy jáne jótel.
«Omıkronnyń» belgileri jiti respıratorlyq ınfektsııaǵa uqsas, eki jaǵdaıda da emdeýdi aýrýdyń alǵashqy kúninen bastaǵan abzal. Kóp mólsherde sý iship, natrıı hlorıdiniń 0,9% eritindisimen tamaqty jıi shaıý kerek. Dene qyzýy kóterilse ıbýprofen nemese paratsetamol qoldanýǵa bolady. Eger temperatýra 38 gradýstan joǵary jáne 3 kúnge deıin saqtalsa, onda dáriger keńesine júginý qajet. Koronavırýstyń jańa shtamyn emdeý naýqastyń jasyna, densaýlyǵyna, patologııalyq protsestiń aýyrlyǵyna jáne asqyný qaýpine baılanysty bolady. Biraq ózin-ózi emdeýge múldem bolmaıdy»,- deıdi dáriger.
Sondaı- aq ol antıbıotıkterdi dárigerdiń taǵaıyndaýynsyz qoldanýǵa bolmaıtynyn basa aıtty.
« Omıkron - bul vırýs. Antıbıotıkter vırýsqa qarsy áser etpeıdi, olar tek bakterııaǵa qarsy áser etýi múmkin. Bul ishek mıkroflorasynyń buzylýyna ákeledi. Koronavırýstyń jańa túrin emdeý úshin antıbıotıkterdi qoldanýdyń qajeti joq. Olar tek bakterııalyq ınfektsııany emdeý úshin dárigerdiń taǵaıyndaýy boıynsha beriledi»,- dep túsindirdi Janerke Ábdiqalyqova .
Otorınolarıngologtyń sózinshe, vırýstyń bul nusqasyna nemquraı qaraýǵa bolmaıdy. Bul ınfektsııalardyń aldyn alý úshin bárimizge saqtyq sharalaryn saqtaý kerek.
«Omıkron tez taraıtyn bolǵandyqtan, aldyn alý sharalary burynǵydan da ózekti. Qoǵamdyq oryndarda maska taǵý, qol gıgıenasyn saqtaý (qoldy jýý), antıseptıkterdi qoldaný, adam kóp jınalatyn oryndardan barynsha aýlaq bolý jáne taǵy basqalary»,- deıdi spıker.
Sóz sońynda dáriger bul indettiń taralýyn azaıtýdyń jáne qorǵanýdyń birden-bir joly – vaktsınatsııa ekenin eske saldy.