Omıkron shtamyna baılanysty Almaty áýejaıynda talap kúsheıdi

ALMATY. QazAqparat – Shet elderde omıkron shtamynyń shyǵýyna baılanysty Almaty áýejaıynda 3 jeltoqsannan bastap kúsheıtilgen sanıtarlyq karantındik baqylaý engizilgen. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamenti basshysynyń mindetin atqarýshynyń orynbasary Sádýaqas Baıǵabylov aıtty, dep habarlaıdy QazAqparat tilshisi.

Onyń aıtýynsha, shet elderden kelgen áýe jolaýshylaryna saýalnama júrgizý, termometrleý sekildi sanıtarlyq karantındik baqylaýdan basqa, olar ózderimen birge PTR synamasynyń nátıjesi men vaktsına pasportyn ákeledi.

«3 qyrkúıekten bastap Almaty qalasyna omıkron shtamy shyqqan elderden 2678 áýe jolaýshysy keldi. Atap aıtqanda, olar Avstralııa, Belgııa, Ulybrıtanııa, Germanııa, Egıpet, Izraıl, Italııa, Kanada, Nıderlandy jáne Chehııadan keldi. Atalǵan elderden kelgen avıajolaýshylardyń 60% - Germanııadan kelgender. Joǵaryda atalǵan elderden Almatyǵa kelgen avıajolaýshylarda teris PTR nátıjesi boldy jáne olardyń arasynda koronavırýs ınfektsııasyn juqtyrǵandar bolǵan joq», - dedi Sádýaqas Baıǵabylov.