Omıkron shtamy jer betindegi epıdemıologııalyq ahýaldy ýshyqtyrdy
Keıbir derekter boıynsha, álem boıynsha COVID-19 indetiniń 300 mıllıonnan astam rastalǵan jaǵdaıy tirkelip, saldarynan 5 mıllıonnan astam adam qaıtys bolǵan.
Mamandar sońǵy eki aptada epıdahýaldyń ýshyǵýyn omıkron shtamymen baılanystyryp otyr.
Djons Hopkıns ýnıversıtetiniń málimetinshe, álemde koronavırýs ınfektsııasynyń 310 mıllıonnan astam jaǵdaıy tirkelgen.
Tek keıingi 20 kúnniń ishinde naýqastar sany 276 mıllıonnan 310 mıllıonǵa deıin ósken. 2021 jyldyń 22 jeltoqsanyndaǵy Dúnıejúzilik densaýlyq saqtaý uıymynyń málimetinshe, kúnine 500 myń jańa jaǵdaı tirkelgen.
Bul qarqyn saqtalǵan jaǵdaıda 20 kúnde naýqastardyń qataryn tek 10 mıllıon adam tolyqtyrýy kerek edi. Alaıda 20 kúnde ósim 34 mıllıonǵa jetken.
Omıkron shtamy ásirese AQSh, Úndistan jáne Brazılııada kóp tirkelýde. Odan keıin Ulybrıtanııa, Frantsııa jáne Reseı elderi tur.
Ǵalymdar buǵan deıin omıkron shtamynyń ólim týdyrý kórsetkishi delta shtamyna qaraǵanda báseń ekenin anyqtaǵan.
Biraq onyń taralý qarqyny delta shtamynan áldeqaıda joǵary.
Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs omıkron shtamynyń taralýyn tsýnamıge teńegen bolatyn.
Azııa
Úndistandaǵy epıdahýaldyń ýshyqqany sonsha, elge pandemııanyń úshinshi tolqyny kele jatyr degen qaýip bar. Bul elde atalmysh vırýstan qaıtys bolǵandardyń resmı sany 480 myńnan asady. Al jalpy 35 mıllıonnan astam jaǵdaı tirkelgen.
Al Qytaı Tıantszın portynda birneshe adamnan koronavıýrs anyqtalyp, onyń ishinde eki adamnan omıkron shtamy shyǵýyna baılanysty 14 mıllıon turǵynnan synama alyp teksermekshi.
Eýropa
Eýropa elderi omıkron shtamynyń «belsendiligin» baıqap, vaktsınatsııa jáne revaktsınatsııa naýqandaryn jedeldetip baǵýda.
Frantsııada, Ispanııada jáne Italııada aýrýshańdyqtyń tez ósýi bolyp otyr. Ásirese Frantsııada jańa jaǵdaılar óte kóp tirkelip jatyr.
Ulybrıtanııa omıkron shtamynyń kezekti tolqynyn vaktsınatsııa arqyly sál tejegendeı boldy. Munda juqtyrýshylar kóp bolǵanymen, aýrýhanaǵa túsý jáne ólim jaǵdaılary salystyrmaly túrde az.
AQSh pen Kanada
AQSh-ta a 60 mıllıonnan astam jaǵdaı tirkelip, 830 myńnan astam adam qaıtys boldy degen derekter aıtylyp júr. Bul - álem boıynsha eń joǵary kórsetkishterdiń biri deýge bolady.
AQSh-tyń juqpaly aýrýlar jónindegi bas keńesshisi doktor Entonı Faýkı naýqastar sany sát sanap ósip jatqanyn málimdedi.
Kanadada da omıkron shtamynyń taralýy baıqalyp otyr.
Latyn Amerıkasy
Argentına, Brazılııa, Meksıka jáne Perýde ınfektsııa juqyrǵandar sany kúrt ósken.
Brazılııa bul aımaqtaǵy eń kóp zardap shekken el bolyp otyr. 22 mıllıonnan astam jaǵdaı tirkelip, 620 myń adam qaıtys boldy degen derek bar. Bul resmı statıstıka boıynsha, AQSh-tan keıingi eń úlken kórsetkish.
Perýde 200 myńnan astam adam qaıtys bolǵan. Bul eldegi ólim kórsetkishi 100 myń turǵynǵa 600-den astam qaıǵyly jaǵdaıdan keledi.
Qazaqstan
Qazaqstanda omıkron shtamnyń birinshi jaǵdaıy 6 qańtarda Nur-Sultan jáne Almaty qalalarynda tirkeldi. Jańa shtamnyń tez taralýyna baılanysty eldegi epıdemıologııalyq jaǵdaı kúrt nasharlaı bastady.
Koronavırýs ınfektsııasyn taratpaý jónindegi vedomstvoaralyq komıssııa (VAK) epıdahýaldyń nasharlaýy omıkron shtamymen baılanysty ekenin aıtyp otyr.
Koronavırsýpen baılanysty epıdahýaldyń nasharlaǵanyn el Prezıdenti de Parlament Májilisiniń jalpy otyrysynda atap ótti.
«Qazaqstanda koronavırýs aýrýynyń kúrt ósimi baıqalyp otyr. Táýligine 2 myńǵa jýyq jańa jaǵdaı tirkelýde», - degen bolatyn Memleket basshysy.
6 qańtarda ınfektsııanyń reprodýktıvtik kórsetkishi el boıynsha 1,5-ke jetip, Nur-Sultan qalasy men Aqtóbe, Qyzylorda, Mańǵystaý, Túrkistan oblystarynda 2-den asty.
Prezıdent pandemııanyń búkil kezeńinde aýrý juqtyrý derekteri 1 mıllıonǵa jýyqtaǵanyn aıtty.
«Pandemııamen kúres Úkimettiń basty mindeti bolyp qala bered», - dedi Qasym-Jomart Toqaev.
Qazir Nur-Sultan qalasy «qyzyl» aımaqta, Almaty jáne Shymkent qalalyr «sary» aımaqta, qalǵan 14 óńir «jasyl» aımaqta tur.
6 qańtarda Qazaqstan boıynsha ótken jyldyń jeltoqsan aıynyń sońǵy on kúninde alynǵan 96 koronavırýs synamasynyń 8-inen (8,3%) «omıkron» nusqasy tabylǵan.
Onyń jeteýi Almaty qalasynda jáne bireýi Nur-Sultan qalasynda.
9 qańtarda el boıynsha PTR-test arqyly 1945 naýqas anyqtalsa, sonyń 1319-y Nur-Sultanda tirkelgen.
Al Almaty ákiminiń orynbasary Erjan Babaqumarov 11 qańtardaǵy jaǵdaı boıynsha qalada aýrý kórsetkishi 2 ese óskenin habarlap, qalada pandemııanyń jańa tolqyny bastalǵanyn málimdedi.
Densaýlyq saqtaý mınıstrliginiń derekteri boıynsha, elde áli de bolsa delta shtamynyń úlesi basym – 71%. Delta plıýs shtamy – 16%, qalǵan shtamdar – 4,7%.