«Omıkron» shtamy terige túrli bórtpeler shyǵaratyny anyqtaldy

NUR-SULTAN. QazAqparat - Dúısenbi, 28 aqpanda Izraıldiń Densaýlyq saqtaý mınıstrligi koronavırýs indeti týraly jańa málimetterdi jarııalady. Epıdemııanyń besinshi tolqyny báseńdeýde, dep habarlaıdy COVID-19 taralýyna jol bermeý jónindegi VAK.

Jalpy, pandemııa bastalǵannan beri elde vırýs juqtyrýdyń 3629390 deregi anyqtaldy. Kesheden beri 11 myńǵa jýyq jańa ınfektsııa tirkeldi. Sońǵy táýlikte 76722 test jasaldy. Onyń 16%-nda koronavırýs anyqtaldy. 60 jastan asqan adamdardyń kópshiligi tolyǵymen vaktsınatsııalanǵan jáne olardyń arasynda aýyr naýqastardyń úlesi ekpe almaǵandarǵa qaraǵanda áldeqaıda tómen.

Izraıldiń Densaýlyq saqtaý mınıstrliginiń 28 aqpandaǵy málimeti boıynsha, koronavırýsqa qarsy vaktsınanyń alǵashqy dozasyn 6699011 adam (el halqynyń 72%), ekinshi dozasyn 6120423 adam (el halqynyń 65%) aldy. 4463439 adam úshinshi dozany saldyrsa (el halqynyń 48%), tórtinshi dozany 726859 adam aldy (el halqynyń 8%).

Patsıentterdi baqylaý barysynda «omıkron» shtamy teriniń ártúrli ózgeristerin jıi týdyratyny baıqaldy. Bul týraly G. N. Gabrıchevskıı atyndaǵy Máskeý epıdemıologııa jáne mıkrobıologııa ǵylymı-zertteý ınstıtýty dırektorynyń klınıkalyq jumys jónindegi orynbasary, medıtsına ǵylymdarynyń doktory Tatıana Rýjentsova habarlady.

Onyń aıtýynsha, patsıentterdiń shamamen 5%-ynda teri belgileri anyqtalǵan. Bul bórtpeler ártúrli: kózge durys kórinbeıtinder, sondaı-aq aıqyn túrleri kezdesedi.

️