Omıkron álemniń 20 memleketinen tabyldy

NUR-SULTAN. QazAqparat – Koronavırýstyń jańa Omıkron shtamy kem degende 20 memleketten tabyldy, olardyń sany taǵy da ósýi yqtımal, dep habarlaıdy QazAqparat Euronews-ke silteme jasap.

Koronavırýstyń Omıkron shtamyn Ońtústik Afrıka Respýblıkasynyń ǵalymdary tapqan ýaqytta bir aptadan astam ýaqyt ishinde álemge taralyp jatqany belgili boldy.

Sodan beri kóptegen elder Ońtústik Afrıkaǵa azamattaryn saparlap barýǵa tyıym saldy. Osy elmen áýe qatynasyn kóptegen el toqtatty. Sońǵysy 2-15 jeltoqsan aralyǵynda ushaq qatynasyna tyıym salǵan Ispanııa boldy.

Alaıda DDSU «halyqaralyq saparlarǵa tolyǵymen tyıym salý koronavırýstyń taralýyn toqtata almaıdy» dep sanaıdy.

Kóptegen elder múmkindiginshe vaktsınatsııa baǵdarlamasyn kóbirek qamtýǵa erekshe nazar aýdaryp jatyr.

Mysaly, Ulybrıtanııa premer-mınıstri Borıs Djonson qańtar aıynyń sońyna deıin barlyq eresekterdi revaktsınalaý merzimin belgiledi.

11 jeltoqsanǵa deıin jalpyhalyqtyq lokdaýndy uzartqan Aýstrııa sııaqty elder iri kólemde aıyppul salý arqyly halyqty vaktsınalaýǵa mindetteýge kiristi.

Grekııada mundaı sharalar tek 60 jastan asqan adamdarǵa ǵana qatysty bolmaq. Úshinshi ekpeni almaǵandar 16 qańtardan bastap aı saıyn memleketke 100 eýro tóleıdi.

Alaıda «jańa shtamm qoldanystaǵy vaktsınalardan basym túsedi» degen qaýip basym.

Jaqynda buryn Moderna bıotehnologııa kompanııasynyń bas dırektory Stefan Bansel olardyń Omıkronǵa qarsy tıimdiligine kúmán keltirdi. Onyń aıtýynsha, jańa shtamǵa qarsy vaktsınalar jasaý úshin birneshe aı qajet.