Ombyda Býrabaı men Zerendige reseılik týrısterdi tartý jaıy talqylandy
Forýmda «jasyl ekonomıkany» damytý jáne óńirge ınvestıtsııa tartýdy damytý sheńberinde Aqmola oblysynyń ákimi Ermek Marjyqpaev pen Reseıdiń «HEVEL» kompanııasynyń «Avelar Solar Tehnolodjı» JQB bas dırektory Igor Shahraı arasynda qýaty 100 MVt bolatyn kún elektr stansasyn salý týraly kelisimshart jasaldy. Elektr stansasy 2020 jyly iske qosylǵan kezde energııa óndirisiniń úlesi 40 paıyzǵa artady, sondaı-aq, qorshaǵan orta gazdardyń bólinýi azaıatyn bolady.
Sonymen qatar, Aqmola oblysynyń kásipkerlik jáne ónerkásip basqarmasy men Omby oblysynyń ónerkásip, baılanys, tsıfrlyq jáne ǵylymı damý mınıstrligi arasynda ekjaqty áriptestik týraly memorandýmǵa qol qoıyldy. Bul eki oblys arasyndaǵy kelisim ekijaqty kásiporyndar arasynda saýda jáne ekonomıkalyq baılanysty nyǵaıtý múmkindik bermekshi. ekijaqty týrızmdi damytýdyń joldary keńinen talqylandy.
Jańa týrıstik ónimder engizý jáne atalmysh salany damytý boıynsha sharalardy birlesip júzege asyrý týraly «Visit Aqmola» týrıstik aqparat ortalyǵy men «Qazkýrort» jaýapkershiligi shekteýli qaýymdastyǵy arasynda memorandýmǵa qol qoıyldy.
Budan bólek reseılik týroperatorlarmen Aqmola oblysynyń Býrabaı jáne Zerendi kýrorttaryna reseılik týrısterdi tartý týraly másele talqylandy. Kezdesýde aıtylǵandaı, Býrabaı kýrorty sońǵy 10 jyl ishinde reseılikter úshin úzdik bestiktiń qatarynda. Rosstat derekterine súıensek, ótken jyly Býrabaı kýrorty Reseı týrısteriniń arasynda TMD aýmaǵyndaǵy eń tanymal kýrortarynyń tizimin bastaǵan.
Aslan Ospanov.