Omby áýejaıynda qalyp qoıǵan qazaqstandyqtar elge oralady
17:00, 20 Naýryz 2020
NUR-SULTAN. QazAqparat tilshisi – Omby áýejaıynda qalyp qoıǵan Qazaqstannyń 26 azamaty qazaqstandyq dıplomattardyń kómegimen búgin elge oralady. Bul jaıynda Qazaqstanynń Reseıdegi Elshiliginen málim etti, dep habarlaıdy QazAqparat tilshisi.
«Omby áýejaıynda qalyp qoıǵan Qazaqstannyń 26 azamaty qazaqstandyq dıplomattardyń kómegimen búgin elge oralady. Olar Nur-Sultan, Pavlodar jáne Petropavl qalalarynyń turǵyndary. Eki kún buryn olar Ombyǵa Vetnamnan ushyp kelgen. Biraq, Reseı Federatsııasynda qozǵalysqa shekteý qoıylýyna baılanysty úılerine jete almady. Búgin ol Qazaqstan astanasy baǵytyndaǵy reıske sátti tirkeldi jáne Nur-Sultan qalasy ýaqyty boıynsha saǵat 16-30-da ushyp ketedi», - dep atap ótedi Elshilikten.
Aıta keterligi, Qazaqstannyń Reseıdegi Elshiligi Reseıdiń ózge de áýejaılarynda qalýǵa májbúr bolyp otyrǵan azamattarymyzdyń jaǵdaıyn baqylaýda ustap, olardyń elge jóneltilýi úshin barlyq múmkindikti qarastyryp jatyr.