Ombýdsmen memorgan ókilderimen azaptaýǵa qarsy zańnyń iske asyrylýyn talqylady

ASTANA. QazAqparat - Búgin Astanada Adam quqyqtary jónindegi ýákil (Ombýdsmen) Asqar Shákirovtiń tóraǵalyǵymen bıylǵy jyly qoldanysqa engen Azaptaýǵa qarsy ulttyq aldyn alý tetiginiń iske asyrylýyn qamtamasyz etý máseleleri boıynsha memlekettik organ ókilderimen jıyn ótkizildi.

Bul týraly QR Adam quqyqtary jónindegi ýákil apparatynyń baspasóz qyzmetinen habarlady.

QR Prezıdenti 2013 jylǵy 2 shildede qol qoıǵan UAT týraly Zań alǵash ret qoǵamdastyq ókilderine adam bostandyǵyn shekteıtin jabyq úlgidegi mekemelerge kedergisiz kirý quqyǵyn berdi.

Jıyn barysynda qatysýshylarǵa UAT sheńberinde mekemelerge monıtorıng júrgizý tártibi men osydan týyndaıtyn memlekettik organdardyń maqsattary túsindirildi.

«Ulttyq aldyn alý tetigi maqsattarynyń iske asyrylýynyń mańyzdy quramdas bóligi ortalyq organdardyń da, vedomstvolyq baǵynysty, aýmaqtyq, jergilikti bólimshelerdiń, mekemeler men uıymdardyń da qyzmetkerlerin onyń mandaty men búkil qoǵam úshin mańyzdylyǵy týraly habardar etý bolyp tabylady», - dep Ombýdsmen atap ótti, jumystyń negizgi baǵyttaryna nazar bólip.

Іs-sharaǵa qatysýshylar UAT týraly Zańda qoıylǵan maqsattarǵa qol jetkizý úshin memlekettik organdar men Ombýdsmen janyndaǵy UAT Úılestirý keńesiniń úılesimdi jumysyn qamtamasyz etý qajettiligi týraly ortaq pikir bildirdi. Jıynnyń jumysyna QR Bas Prokýrordyń Orynbasary J. Asanov qatysty.